Audio

Forum

Read

Contests

Language


Write

Sign in
Wohoo!,
Dear user,
ଅଶ୍ଳୀଳତାର ଆତ୍ମକଥା
ଅଶ୍ଳୀଳତାର ଆତ୍ମକଥା
★★★★★

© Paresh Kumar Sahoo

Inspirational Abstract Others

1 Minutes   6.7K    9


Content Ranking

ଅଶ୍ଳୀଳତା ;

ଦୃଷ୍ଟିରେ ଥାଏ ନା ଦୃଶ୍ୟରେ ?

ହଁ ନଗ୍ନତାର ରୂପରେଖ ଭିନ୍ନ-

ଏଠି କେବଳ ଅଶ୍ଳୀଳତାର କଥା...

ଯେଉଁଠି ବିନା ନିଆଁରେ ବି

ସୃଷ୍ଟିହୁଏ ଧୂଆଁ,

ଇନ୍ଦ୍ରଧନୁ ବି ବିବର୍ଣ୍ଣ ଦିଶେ

ଅଶ୍ଳୀଳତାର ସ୍ପର୍ଶରେ ।

ତର୍କ-ବିତର୍କର ଶିଆଳିଲତାରେ

ଢ଼େର୍ ଝୁଙ୍କି ହେଲାପରେ

ଏଯାବତ୍ ମିଳିଛି ଶୂନ୍ୟତା-

କେବଳ ଶୂନ୍ୟତା ।

ମୁଁ ଏବେ ଅରଣ୍ୟ ମୁହାଁ ;

ପଚାରିବି ପଥର ଫଟେଇ

ଆକାଶକୁ ଛୁଇଁଥିବା

ସେ ଉଲଗ୍ନ ଗଛ ମାନଙ୍କୁ,

ପଚାରିବି ନିର୍ମୂଳିଲତାକୁ-

ଯେ ଅନ୍ୟ ବୃକ୍ଷର ଦେହରେ

ନିଜର ଅସ୍ତିତ୍ୱକୁ ଉପଭୋଗ କରେ ।

ପଚାରିବି ମଣିଷର ଗନ୍ଧ ଶୁଙ୍ଘି ନଥିବା

ଅସଂଖ୍ୟ ଜୀବଜନ୍ତୁଙ୍କୁ,

ପଚାରିବି ସେ ସିନ୍ଦୁର ବୋଳା ପଥରକୁ

ଯେ ବିଶ୍ୱାସର ଦ୍ୱାହି ଦେଇ

ଦେବୀ ପାଲଟିଛି,

ଉନ୍ମୁକ୍ତ ପ୍ରକୃତି ଦେହରେ ଯଦି

ଅଶ୍ଳୀଳତା ବୋଲି କିଛି ନାହିଁ-

ସବୁ କିଛି ନିଜସ୍ୱ ସ୍ୱଭାବିକତା,

ତେବେ ନାରୀଟିର ପରିଚ୍ଛଦରୁ

କାହିଁକିଖୋଜାଯାଏ ଅଶ୍ଳୀଳତାର ଚିହ୍ନ ?

ଦେଖାହେଲେ ପଚାରିବି ଈଶ୍ୱରଙ୍କୁ

ହେ ଈଶ୍ୱର !

ସତରେ କଣ ଅଶ୍ଳୀଳତା ବୋଲି କିଛି

ସୃଷ୍ଟି କରିଥିଲ ?

ତୁମେ କ'ଣ ଏ ପ୍ରାତିଲୋମ୍ୟ

ନିଷ୍କର୍ଷର ରଚନାକାର ?

ନା' ଏସବୁ ବି ତୁମପରି ରହସ୍ୟମୟ ?

ଯାହାର ଅସ୍ତିତ୍ବ ଦୃଶ୍ୟରେ ନାହିଁ

ବରଂ ପରିବ୍ୟାପ୍ତ କେବଳ ଦୃଷ୍ଟିରେ ...

ଈଶ୍ବର ଅଶ୍ଲୀଳ ଦୃଷ୍ଟି

Rate the content


Originality
Flow
Language
Cover design

Comments

Post

Some text some message..