Audio

Forum

Read

Contests

Language


Write

Sign in
Wohoo!,
Dear user,
ଶହୀଦ ଦିବସ ୨୩ ମାର୍ଚ୍ଚ
ଶହୀଦ ଦିବସ ୨୩ ମାର୍ଚ୍ଚ
★★★★★

© Dhruba Behera

Inspirational

1 Minutes   6.6K    4


Content Ranking

   

ଦେଶ ଲାଗି ଏହି ଅମର ଶହୀଦ 

ପାଇଥିଲେ ଦିନେ ଫାସି 

ନିଜ ସୁଖ ଭୁଲି ଜୀବନ ସମର୍ପି 

ଭୁଲି ଯାଇଥିଲେ ଖୁସି ।।

ବଳିଦାନ ତାଙ୍କ ଅସୀମ ଅମାପ 

ମାପି ହେବ ନାହିଁ ଅଙ୍କେ 

ଗୋରା କଂସେଇଙ୍କ ନିର୍ମମ ହୃଦୟ

ଫାଟିଲା ସମୟ ବାଙ୍କେ ।।

ମାଟି ମାଆ ଲାଗି ସୁଯୋଗ୍ୟ ସନ୍ତାନ 

ଥିଲେ ବଳୀଆନ୍ ବୀର 

ଭାରତ ମାତାର ଇଜ୍ଜତ ଗାରିମା 

ଥିଲା ତାଙ୍କ ଶେଷ ସ୍ବର ।।

ଗୋଟିଏ ଦିନରେ ତିନୋଟି ସୁ ପୁତ୍ର 

ହରାଇ ଥିଲା ମୋ ମାଆ 

ଆମ ଇତିହାସେ ଅମର ପୃଷ୍ଠାରେ 

ଲିପିବଦ୍ଧ ତାଙ୍କ ନାଆଁ ।।

ତିନି ମହା ଯୋଦ୍ଧା ଆଜି ବି ଅମର 

ସୁଖଦେବ, ରାଜଗୁରୁ ,

ଭଗତସିଂହଙ୍କ, ଅମରତ୍ବ କାର୍ଯ୍ୟ

ଲିଭିବନି ଏ ମାଟିରୁ ।।

ଯୁଗେ ଯୁଗେ ଜନ୍ମି ମହାବୀର ମାନେ

ଏହି ଧରଣୀର କୋଳେ 

ରଖି ଯାଇଛନ୍ତି କେତେ ଯଶ କିର୍ତ୍ତୀ 

ଶହୀଦ ନାୟକ ବଳେ ।

ଶହୀଦ ଅଟଇ ଚିର ସ୍ମରଣୀୟ 

ସ୍ଵର୍ଣ୍ଣ ଅକ୍ଷରରେ ଲେଖା

ତେଇଶି ମାର୍ଚ୍ଚ କୁ  ଭୁଲିହେବ ନାହିଁ 

କରୁଣ ତା ରୂପରେଖା ।।

ହେ ବୀର ତୁମର ମହତ ପଣିଆ 

ମହାନତାର ସେ ଦାନ 

ମନେ ପଡୁଅଛି ପଡୁଥିବ ସଦା 

ତୁମେ ହିଁ ଥିଲ ମହାନ୍ ।।

ଧ୍ରୁବ ଚରଣ ବେହେରା ।

ତା :୨୬।୦୩।୧୮

 

ଶହୀଦ ବୀର ମାଟି ମାଆ

Rate the content


Originality
Flow
Language
Cover design

Comments

Post


Some text some message..