ଅଭାବ

ରଶ୍ମୀ ରେଖା ତ୍ରିପାଠୀ

ଛଅ ଖଣ୍ଡ ହାଡ,

ପଳେ ମାଉଁସର ଜୀବନଟା

କାହିଁକି କେଜାଣି

ମନ ଲାଖି ମାନଟିଏ ଖୋଜେ

ବଞ୍ଚିବାକୁ ବଳକା ଆୟୁଷଟା ....???

ପେଟକୁ ଗଣ୍ଡାଏ ଦାନା,

ଦେହକୁ ଖଣ୍ଡିଏ କନାର

ଅଭାବ ତ ନlହିଁ,

ତଥାପି କାହିଁକି କେଜାଣି

କି ଅଭାବ ବୋଧରେ

ମନ ହୁଏ ହାଇଁପାଇଁ ....???

ପେଟ ପାଇଁ ଯଦି ସବୁ ନାଟ

ମନ ପୁରିଗଲେ ମଧ୍ୟ

ଯଦି ବା ପୁରେନl ପେଟ

ମିଛଟାରେ ଏ ମନଟା

କାହିଁକି ଯେ ଛାଡଇ କୁହାଟ ....???

ଏଠି ଯେ ଅନେକ ଛଳନା

ସ୍ନେହ, ପ୍ରେମ ଏଠି ସବୁ ଅନାବନା

ତଥାପି ବି ମନ ଖୋଜେ ମାନଟିଏ

ନ ହେବl ଯାଏ ବାଟବଣା ....

ଏଇ ମନ !

କେଉଁଠି ବରିଛୁ ତୁ ବନବାସ ?

ଆସିବାକୁ ଥରେ ମୋର ପାଶ ?

ସମର୍ପି ଦେବି ମୋର ତମାମ ଆୟୁଷ .....