Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Inspirational

3  

Prasanna Kumar Madala

Inspirational

ନୁହେଁ କି ସତରେ ଭାରୀ

ନୁହେଁ କି ସତରେ ଭାରୀ

1 min
120



ଘର ପରିବାର      ମଙ୍ଗ ଧରିବାର

ପାରିବାପଣିଆ ଦେଖି

ମାଆର ମମତା     ସହିବା କ୍ଷମତା

ପାରିଛି କି କେହି ଲେଖି ?


ନିଦ ଭୋକ ଶୋଷ  ପାଇଁ ଅବଶୋଷ

କେବେ ତ ନଥାଏ ତିଳେ

ଯାବତୀୟ ଦୁଃଖେ  ସନ୍ତାନଙ୍କ ସୁଖେ

ତାକୁ ଉପଶମ ମିଳେ ।


ଥିଲେ ତା' ଆଶ୍ରିତ   ଖରାବର୍ଷା ଶୀତ

ବାଧା କି ଦେଇଛି ଦିନେ

ଇଚ୍ଛା କଲେ ଯାହା   ଖଞ୍ଜିବାକୁ ତାହା

ପିଲାଙ୍କର ମନ ଚିହ୍ନେ ।


ଝଡଝଞ୍ଜା ତ୍ରାସେ କେଉଁ ମାଆ ପାଶେ

ଥିଲେ ଥାଉ ଅବଗୁଣ

ଯେତେ ଯାହା କଲେ ସନ୍ତାନ କି ଭଲେ

ଶୁଝେ କେବେ ମାତୃଋଣ ?


ନଖାଇ ବି ନିଜ      ପସନ୍ଦର ଚିଜ

ରଖଇ ସାଇତି ନିତି

ଆଦରେ ଖୁଆଇ   ଦିଏ ସେ ଶୁଆଇ

ଗାଇ ନାନାବାୟା ଗୀତି ।


ପାଇ ତାର ବୋକ ଭୋକ ଅବା ଶୋକ

ହଜେ ତା' ପଣତ ତଳେ

ସନ୍ତାନର କ୍ଳେଶ   ଥିଲେ ଥାଉ ଲେଶ

ଆଖିରୁ ଲୋତକ ଗଳେ ।


ମାଆଟିଏ ଯହିଁ    ଏତେ ତ୍ୟାଗ ସହି

ଜୀବନେ ଯାଏନି ହାରି

ଯେତେ ହୁଏ ପେଷି  ଧରଣୀଠୁ ବେଶି

ନୁହେଁ କି ସତରେ ଭାରୀ ?



Rate this content
Log in