Audio

Forum

Read

Contests

Language


Write

Sign in
Wohoo!,
Dear user,
ଗୃହଲକ୍ଷ୍ମୀ
ଗୃହଲକ୍ଷ୍ମୀ
★★★★★

© Prasanna Kumar Madala

Others

1 Minutes   6.8K    1


Content Ranking

ଅବଳା ଚପଳା              କାମିନୀ କୁନ୍ତଳା
            କି ଅବା ନିର୍ଭୟା ବାଳା
କମଳା ବିମଳା              ଭାମିନୀ ପ୍ରବଳା
            ଶ୍ରବଣେ ଦହଇ ଜ୍ବାଳା ।
ଜନନୀ ଭଗିନୀ             ମମତା ଦାୟିନୀ
            କନ୍ୟା କୁହ ଅବା ଜାୟା
ବିଶେଷଣ ପୁଣି             ଯୋଡିଦିଅ ଜାଣି
           କାଉଁରୀ ବନ୍ଧନେ ମାୟା ।
ମଥାମଣି ଖଞ୍ଜି               ପିନ୍ଧାଇ ପାଉଁଜି
             ସୁବର୍ଣ୍ଣ ଶିକୁଳି ବାନ୍ଧି
ପ୍ରତିଶ୍ରୁତି ଭାଜି               ଭାବୁଛ କି ଆଜି
            ଜୀଇଁ ଥିବ କାନ୍ଦି କାନ୍ଦି ?
ସିନ୍ଦୂର ଅଳତା               ଲାଗିଲାଣି ପିତା
           ସେ କି ସତ୍ୟଯୁଗ ନାରୀ
ହୋଇ ନିର୍ଯାତିତା          ଥାଉଁ ସେ ରକ୍ଷିତା
           ନହେବ କି ସ୍ବେଚ୍ଛାଚାରୀ ?
କାହିଁ ସତ୍ୟବ୍ରତ                ଦଶରଥ ସୁତ
            ଏକପତ୍ନୀ ବ୍ରତଚାରୀ
ଦେଖିଲେ ନିରତ              ଭରିଛି ଜଗତ
            ଲମ୍ପଟ ସର୍ବତ୍ର ଭାରୀ ।
କେବେ ବିହଗିନୀ           କବିର ରାଗିଣୀ
            କୁସୁମ ମଞ୍ଜରୀ କଳି
ସାଜି ନିର୍ଝରିଣୀ             କୂଳ ଲଂଘି ପୁଣି
            ପ୍ରସରିବ ସେହି ଭଳି ।
ଗୁଣରେ ଉତ୍ତମ              ଗୃହଲକ୍ଷ୍ମୀ ତୁମ
          କାୟ ମନ ବାକ୍ୟେ ସେହି
ସତ୍ୟବାନ ସମ             ଚାରିତ୍ରିକ ପ୍ରେମ
           ଧାରଣ କରିଲେ କେହି ।

           ପ୍ରସନ୍ନ କୁମାର ମାଦଳା


ଅବଳା ସତ୍ୟଯୁଗ ଚାରିତ୍ରିକ

Rate the content


Originality
Flow
Language
Cover design

Comments

Post


Some text some message..