ମିଛ ଜିହାଦ୍ ଓ ଜନତ୍ କାହିଁକି ?
ମିଛ ଜିହାଦ୍ ଓ ଜନତ୍ କାହିଁକି ?
ଏମିତି କାହିଁକି ଘଟେ
ମାନବିକତାର ମୃତ୍ଯୁ ହୁଏ
ଆତଙ୍କବାଦୀର ଆତ୍ମଘାତୀ
ଆକ୍ରମଣର ଭୟଙ୍କର ବିସ୍ପୋରଣରେ
ଦୋହଲିଯାଏ ସାରା ଦେଶ
ସେଇ ଅଚାନକ ହାମଲାର
ଛାତିଥରା ବିଭତ୍ସ ଦୃଶ୍ୟ
ଦେଖେ ସାରା ଦେଶ ଦୁନିଆ ।
କି ବିଭତ୍ସ ସତରେ
ଏଇ ଆତଙ୍କୀର ତାଣ୍ତବ
କେମିତି ଏମିତି ଭୟଙ୍କର
ମୃତ୍ଯୁର ଖେଳ ବାରମ୍ବାର
ଖେଳୁଛିନ୍ତି ଆତଙ୍କବାଦୀ ?
ଯେଉଁଠି ବାପା ଓ ମାଆ
ସହିଦ୍ ପୁତ୍ରର ବକ୍ଷକୁ
କରି ପାରନ୍ତି ନାହିଁ ସ୍ପର୍ଶ l
ପତ୍ନୀ ଆଜି ନିଜ ବୀର ପତିର
ସେଇ ସୌମ୍ୟ ସୁନ୍ଦର ମୁଖ ମଣ୍ତଳ
ଦର୍ଶନ କରିବାକୁ ହୁଏ ଅସମର୍ଥ l
ପରିବାର ପରିଜନ ହୁଅନ୍ତି ନିରାଶ
ଥରେ ଆଖି ପଖାଳିବାକୁ ତାଙ୍କ
ଅତି ଆପଣାର ଲୋକଟିର
ପୂର୍ବର ସେଇ ପ୍ରୀତିପୂର୍ଣ୍ଣ ରୂପରେ l
ପୁତ୍ର ନିଜ ପିତାର ଅନ୍ତିମ ବିଦାୟରେ
ମଶାଣି ଭୂମିର ଜୁଇରେ ଖୋଜୁଥାଏ
ସେଇ ସ୍ନେହସିକ୍ତ କୋଳ
ଯେଉଁଠି ସେ କେତେ ନାଚୁଥିଲା
କୁଦୁଥିଲା ଅତି ଆଶ୍ୱାସରେ ,
ଅତି ବିଶ୍ୱାସରେ l
କିନ୍ତୁ ଆତଙ୍କୀ ଖେଳିଥିବା ସେଇ
ଭୟଙ୍କର ରକ୍ତର ହୋଲିରେ
କେହି କଛି ଦେଖିବାକୁ
ଆଜି ହୁଅନ୍ତିନି ସକ୍ଷମ l
ଏଇ ତ କେବଳ
କାପୁରୁଷ ପଣିଆଁର ପରିଚୟ
ଜିହାଦ୍ ଓ ଜନତ୍ ର
ମିଛ ମାୟାରେ ମସ୍ଗୁଲ୍ କରି
ଉଦ୍ଭ୍ରାନ୍ତ ଯୁବକଙ୍କ ଦ୍ୱାରା
ଭୟଙ୍କର ଘୃଣ୍ୟକାଣ୍ତ ଘଟାଇ
ଭାରତରେ ଅହରହ
ଅସ୍ଥିରତା ସୃଷ୍ଟି କରିବା
ଲକ୍ଷ୍ୟରେ ପାକିସ୍ତାନ ଆଜି
ପ୍ରଶୟ ଦେଇଆସିଛି
ମହମ୍ମଦ୍ ମାସୁଦ୍ ଆଝାରର
ଜୈସ- ଇ - ମହମ୍ମଦ ପରି
ଆତଙ୍କୀ ସଂଗଠନ ସବୁକୁ l
ସତରେ କଣ ଆମର
ଏଇ ପଡୋଶୀ ପାକିସ୍ଥାନ
କେବଳ ଏମିତି ରକ୍ତର
ହୋଲି ଖେଳିବାକୁ ଆମ ଭାରତ
ମାତାଠାରୁ ଦିନେ ନେଇଥିଲା ଜନ୍ମ ?
ସତରେ କଣ ସେଇ ପଡେଶୀ
ବନ୍ଦ କରିବନି ତାର ଏଇସବୁ
ଭାରତ ବିରୋଧି ଭ୍ରମାତ୍ମକ ଯୋଜନା ?
ସତରେ କଣ କେବେ ଅନ୍ତ ହେବନି
ଏ ଅନ୍ତରଥରା ବୁକୁଫଟା
କରୁଣ କାହାଣୀର ବିଭତ୍ସ ଗାଥା ?
ପ୍ରଶାନ୍ତ କୁମାର ବେହେରା
ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,
ଜଗତସିଂହପୁର l