ସୁସ୍ୱାଗତମ୍ ନବ ବରଷ
ସୁସ୍ୱାଗତମ୍ ନବ ବରଷ
1 min
321
ସୁସ୍ୱାଗତ ହେ ନବବର୍ଷ ଆସି ହୁଅ ଆଗତ
ନୂତନ ଆଲୋକେ ଧରା ହେଉ ଉଦ୍ଭାସିତ ।।
ଜାଗି ଉଠୁ ପ୍ରତି ପ୍ରାଣେ କର୍ମମୁଖର ଚେତନା
ବିଶ୍ଵ ସମୃଦ୍ଧି ପଥେ ସୃଷ୍ଟ ହେଉ ନୂଆ ଉଦ୍ଦୀପନା ।।
ସମୟ ସହ ଆଗେଇ ଯିବା ସୁଖ ଦୁଃଖ ସବୁ ସହି
ପ୍ରତିଟି ପ୍ରାପ୍ୟ ପ୍ରାପତ ହେବ ଲେଖିଛି ଯାହା ବିହି ।।
ସୂର୍ଯ୍ୟ ଚନ୍ଦ୍ର ମରୁତ ଅଗ୍ନି ଜଳ ପ୍ରକୃତି ଅନୁସରଣେ
ଜୀବନ ପ୍ରତି ନିଃଶ୍ୱାସ ଶେଷ ହେଉ ମାନବ କାରଣେ ।।
ସ୍ରଷ୍ଟା ହେ ତବ ଶ୍ରେଷ୍ଠ ସୃଷ୍ଟିରେ ଦେଇ ଆମ୍ଭଙ୍କୁ ଜନମ
ଦୟା କ୍ଷମା ସ୍ନେହ ବିଶ୍ୱାସେ ହେଉ ସବୁରି ଧରମ ।।