Audio

Forum

Read

Contests

Language


Write

Sign in
Wohoo!,
Dear user,
ଊର୍ଦ୍ଧ୍ୱରେତା
ଊର୍ଦ୍ଧ୍ୱରେତା
★★★★★

© Prasanna Kumar Madala

Tragedy Inspirational

1 Minutes   19.6K    5


Content Ranking

ବେଳ ଥାଉ ବନ୍ଧ     ବାନ୍ଧରେ କୁମର 

      ବେଳ ଥାଉ ବନ୍ଧ ବାନ୍ଧ

କାଳର ଭୂଖଣ୍ଡ       ଏଡେ ଅନୁର୍ବର

      ଅନ୍ତଃସାର ହୀନ ଚାନ୍ଦ ।

ଆଜିର ମାନବ      ଆବେଗ ରହିତ

       ଇନ୍ଧନଚାଳିତ ଯନ୍ତ୍ର

ବୈଷୟିକ ପ୍ରୀତି      ବାସନା ସହିତ

       ନିସ୍ପନ୍ଦିତ ମତି ତନ୍ତ୍ର ।

ନୈରାଶ୍ୟ ପାଂଶୁଳ    ଧୂମିତ ଯାହାର

      ଚୈତନ୍ୟ ହେଉଛି ଅନ୍ତ

ସେଥିପାଇଁ ଆହା     ଭିତର ବାହାର

      ଲାଗୁନାହିଁ ପ୍ରାଣବନ୍ତ ।

ସୁମନ ମଣ୍ଡିତ        ବନସ୍ପତି ବିଭା

      ଥାଉ ବି ବସିଛୁ ମୌନ

ବିହଗ କାକଳି     କଲ୍ଲୋଳିନୀ କିବା

      ନିରର୍ଥକ ଆଉ ଗୌଣ ?

ପ୍ରାଣାନ୍ତକ ସ୍ପର୍ଦ୍ଧା      ଅର୍ଥ ଉପାର୍ଜନେ

      ଅଶ୍ଳିଳ ଆଉ ମଳିନ

ନିବୃତ୍ତି ବିହୁନେ      ପ୍ରଭୁ ପୂଜାର୍ଚ୍ଚନେ

      ଚିତ୍ତ କି ହେବ ତଲ୍ଲୀନ ।

ସଂକଳ୍ପ ସାଧନା     ଆପ୍ଳୁତ ପଥରେ

      ଥାଇ ହୁଅ ଊର୍ଦ୍ଧ୍ଵରେତା

ଶୋଭାବନ୍ତ ଏହି    ସ୍ୱଦେହ ରଥରେ

     ବିରାଜ ହେ ଶୁଦ୍ଧଚେତ୍ତା ।

କଳୁଷ କାଳିମା      ରଖିଛି ଧିକ୍କାରି

      ଶକ୍ତି କରେ ସାମଭଗ୍ନ

ଊର୍ଦ୍ଧ୍ୱଗ ଆତ୍ମାର      ହୁଅ ଅଧିକାରୀ

      ଋଷି ତୁଲ୍ୟ ଆତ୍ମମଗ୍ନ ।

      ପ୍ରସନ୍ନ କୁମାର ମାଦଳା

ପାଂଶୁଳ ନିରର୍ଥକ ଅନ୍ତଃସାର ଆତ୍ମମଗ୍ନ ଊର୍ଦ୍ଧ୍ଵରେତା

Rate the content


Originality
Flow
Language
Cover design

Comments

Post


Some text some message..