ଦୁର୍ଲ୍ଲଭ ଜନମ ମଣିଷ ଜୀବନ
ଦୁର୍ଲ୍ଲଭ ଜନମ ମଣିଷ ଜୀବନ
ମାନବ ଜୀବନ କେତେ ମୂଲ୍ୟବାନ
ଆକଳନ କର ସର୍ବେ ,
ଦୁର୍ଲ୍ଲଭ ଜନମ ବିରଳ ବିଭବ
ମିଳିବନି ଆଉ କେବେ !1!
କୋଟିପୁଣ୍ୟ ବଳେ ଏ'ଧରା ପୃଷ୍ଠରେ
ହୋଇଛ ତ ' ଅବର୍ତ୍ତୀଣ୍ଣ ,
ହେ' ମାନବଗଣ କର ପାପ ତ୍ୟାଗ
ଜୀବନଟା ହେବ ସ୍ଵର୍ଣ୍ଣ !2!
ଜୀବନର ଛବି ଆଙ୍କିବାରେ କବି
ହେଳା କେବେ କରେ ନାହିଁ ,
ଜୀବନ ଦୁଃର୍ଦ୍ଦଶା ବଖାଣେ ସହସା
କବିତାରେ ଦିଏ କହି !3!
ସୁଖ ଦୁଃଖ ଚିତ୍ର ଜୀବନର ମିତ୍ର
ଗରିବ ହେଉକି ଧନୀ ,
ସ୍ଥିତି ପରିସ୍ଥିତି ବିଗାଡେ ନୀୟତି
କାହିଁ ଏତେ ମନମାନି !4!
କର୍ମ ଆଧାରରେ ଫଳ ମିଳେ ସତେ
ଏକଥାଟି ନୁହେଁ ମିଥ୍ୟା ,
ଜୀବନ ଦର୍ଶନ ହୁଏ ମୂଲ୍ୟାୟନ
ଲିପିବଦ୍ଧ ହୁଏ ଗାଥା !5!
ସୁକର୍ମ କଲେ ଭଲ ଫଳ ମିଳେ
କୁକର୍ମ କଲେ ପାପ ,
ଅର୍ଜିତ ପାପର କଳଙ୍କିତ ଦାଗ
ଦୁଃର୍ଦିନର କଳା ଛାପ !6!
ସଂସାରୀ ଜୀବନ ଜଞ୍ଜାଳରେ ପୁର୍ଣ୍ଣ
କର୍ମେ ରଖେ ଏକାଗ୍ରତା ,
ମାନବ ଜୀବନ ନୁହଁଇ କେବଳ
ନିଜ ସ୍ଵାର୍ଥେ ସନ୍ନିହିତା !7!
ସ୍ଵଳ୍ପ ସମୟର ଅବଧି ଜୀବନ
କାଲିକି ନଥିବ ଭାଇ ,
ହିଂସା ଦ୍ଵେଷ ସଵୁ କର ପରିହାର
ହସି ହସାଇବା ପାଇଁ !8!
ଜୀବନ ସଂଘର୍ଷ ହୁଅଇ ପ୍ରତୀତ
ପ୍ରତି ମୁହୂର୍ତ୍ତରେ ସତେ ,
ଆଜିର ମାନବ ବଡ଼ ସ୍ଵାର୍ଥପର
ପର ତଣ୍ଟି ଚିପେ କେତେ !9!
ଏଇତ ଜୀବନ ଦୁର୍ଲ୍ଲଭ ଜନମ
ବ୍ୟଭିଚାର ବଢିଚାଲେ ,
ଦୁଃଖକୁ ବରଣ କରୁଛି ମାନବ
ଏକଥା ଜାଣିଛି ଭଲେ !10!
ସଦାନନ୍ଦ ସାହୁ ,
ଧୁରୁଷିଆ , ଆଠଗଡ଼ , କଟକ ,