ହରିଭକ୍ତ ପ୍ରହଲ୍ଲାଦ
ହରିଭକ୍ତ ପ୍ରହଲ୍ଲାଦ
ହିରଣ୍ୟାକ୍ଷ ବଧି ଧରାକୁ ଜଳଧି
ଗର୍ଭରୁ ଉଦ୍ଧାର କରି
ପ୍ରମତ୍ତକୁ ପ୍ରଭୁ ପ୍ରମଥିଲ ଭବୁ
ବରାହ ରୂପକୁ ଧରି
ଆକ୍ରୋଶେ ଅନୁଜ ପ୍ରତାପୀ ଦନୁଜ
ହିରଣ୍ୟକଶ୍ୟପ ଅରି
ବଳେ ହୋଇ କ୍ରୁଦ୍ଧ ଜିଜ୍ଞାସିଲା ଯୁଦ୍ଧ
ତ୍ରିଭୁବନେ ଅନୁସରି
ଅନାଦି ବ୍ରହ୍ମ ହେ ହରି
ଅଣାକାର ରୂପ ଘେନି ଦୈତ୍ୟ ଭୂପ
ହୃଦୟେ ରହିଲ ବରି ।
ପ୍ରଣୟେ ବିହରି କୟାଧୁ ଶ୍ରୀହରି
ଜ୍ୟୋତିକୁ ନିରେଖି ଡୋଳେ
ସହବାସ ପର୍ବେ ତନ୍ମୟତା ଲଭେ
ପରମ ଆନନ୍ଦ ଲୋଳେ
ଗର୍ଭାଧାନ ବେଳେ ସଞ୍ଚରିତ ହେଲେ
ପ୍ରହଲ୍ଲାଦ ସୁତ କୋଳେ
ଦାନବ ଔରସେ ସମ୍ଭୂତ ହରଷେ
ତୋଷଇ ଶୈଶବ ରୋଳେ
ଆହ୍ଲାଦେ ତନୟେ ତୋଳେ
ପ୍ରହଲ୍ଲାଦ ପୁତ୍ର ଭଜେ ନାମସୂତ୍ର
ବୈଷ୍ଣବ ଭକତି ଭୋଳେ ।