ରତ୍ନାକର ଚମ୍ପୂ (ଥ)
ରତ୍ନାକର ଚମ୍ପୂ (ଥ)
ରତ୍ନାକର ଚମ୍ପୂ
(ଚୌପଦୀ ରତ୍ନାକର)
(17)
ସଖୀ ପ୍ରତି ଶ୍ରୀକୃଷ୍ଣ
ରାଗ – ତୋଡି - ଆଠତାଳି
ଥିଲେ ଅପରାଧ ମୋର,
ଥରେ କ୍ଷମା ନକରିବକି ସେ ରାମାବର (ଘୋଷା)
ଥଳ କମଳ ବିଯୟୀ ଚରଣେ ମୁଁ ତା ର
ଲାକ୍ଷା ଲେଖୁଥିବି ନିତି କଲେ ଅଙ୍ଗୀକାର (1)
ଥିବି ଖଟି ପାଶେ ତା ର ମରଜିକି ଜାଣି
କଲେ ଅନୁକମ୍ପା ମୋରେ ସୁରସିକା ମଣି (2)
ଥାଉ ବା ନ ଥାଉ ମୋହୋଠାରେ ତା କରୁଣା
ମୋ ମନରେ ଭାବିଛି ତ ମୁଁ ତାହାର କିଣା (3)
ଥିର ଗମନାକୁ ମୋର ହୃଦୟରେ ହାର -
କରିବାକୁ ସହଚରୀ ଉପାୟ ବିଚାର (4)
ଥାଏ ଯା ମୋ ଠାରେ ସଖି ଚିତ୍ତେ ଦୟା ତୋର
କହିବାକୁ ଅଛି କିସ ଜଗଦ୍ଦେବଙ୍କର (5)