Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanta kumar Hota

Tragedy

2  

Prasanta kumar Hota

Tragedy

ଭୀତି ନେଇଗଲା ପ୍ରୀତି

ଭୀତି ନେଇଗଲା ପ୍ରୀତି

1 min
571


ଭଲ ଲାଗୁଥିଲା ସେ ଦିନେ

ଦେଖୁଥିଲି ଯେବେ ତାରା

ନୟନ ମୋହର ଖୋଜି ବୁଲୁଥିଲା

ଦେଉଥିଲ ତୁମେ ଧରା


କେତେ ଭଲ ଥିଲା ସେ ସନ୍ଧ୍ୟା

ପାଉଥିଲି ତୁମ ସ୍ପର୍ଶ

ଆଜି ବି ହୃଦୟ ଖୋଜି ବୁଲୁଅଛି

ସମୟର ଚୋଉପାର୍ଶ୍ଵ


ନା ଅଛି ମୁଁ ନା ଅଛ ତୁମେ

ଅଛି ମୁକ ସାକ୍ଷୀ ହୁଡା

ମନେ ପଡେ ତୁମ ପ୍ରୀତି ସଙ୍ଗ ସୁଖ

ହୁଡା ତଳ କୃଷ୍ଣଚୂଡ଼ା।


ସଞ୍ଜ ସରିଗଲେ କଥାରେ

ଦକ ଦକ ହୁଏ ଛାତି

ପ୍ରଥମ ଦେଖାର ସେହି ଅନୁଭୂତି

ରଖିଛି ପାଖେ ସାଇତି।


ପାଇଥିଲ ଯେବେ ମୋ ଚିଠି

ଆସିଥିଲ ଡରି ଡରି

କହିଲ ଆବେଗେ ପ୍ରୀତି ବଇରାଗେ

ପ୍ରାଣ ଗଲା ମୋର ଥରି


ଆଉ ଲେଖିଲିନି ମୁଁ ଚିଠି

କେତେ ଗଲା ଅପେକ୍ଷାରେ

ମୋ ଚିଠି ମୋ ପାଇଁ ହେଲା ଏକ ଭେଟି

ରହିଗଲି ଉପେକ୍ଷାରେ


ଆଜି ବି ଖୋଜୁଛି ସେ ଚିଠି

ପାଇବାକୁ ସେହି ସ୍ମୃତି

ନୀରବରେ ଲୁହ ଝରି କହୁଥାଏ

ଭିତି ନେଇଗଲା ପ୍ରୀତି।


ପ୍ରଶାନ୍ତ କୁମାର ହୋତା


Rate this content
Log in