ତୁମକୁ ସପନେ ସପନେ ଗୋପନେ
ତୁମକୁ ସପନେ ସପନେ ଗୋପନେ
ତୁମକୁ ସପନେ ସପନେ ଗୋପନେ
ଆଭାକାନ୍ତ ମହାନ୍ତି
ତୁମକୁ ସପନେ ସପନେ ଗୋପନେ
ଅନେକ ଥର ମୁଁ ଦେଖେ,
ହୃଦୟ ଫଳକେ ତୁମରି ମୂରତି
ସରବଦା ମୁଁ ଗୋ ଆଙ୍କେ । ୦ ।
ପରୀ-ରାଇଜର ଜେମା ଆଗୋ ତୁମେ
କୁହୁକ-ଦେଶର କୁଆଁରୀ,
ଭାବନା-ଉସର- ଭୂମିରେ ରଚିଲ
ଅୟୁତ ଆଶାର କିଆରୀ,
ବାକି ଯାହା ନୀଳ ପଣତ ଉଡ଼ିବା
ମୋ ମନ-ଝରକା ଫାଙ୍କେ । ୧ ।
ଆସନା ଗୋ ମୋର ବାସ୍ତବ ଜୀବନେ
କଳ୍ପନା-ରାଇଜ ପରୀ,
ପାଇବିନି ଯେବେ ତୁମକୁ ଗୋ, ତେବେ
ଯିବି ସେ ରାଇଜେ ଘୂରି,
ଆସିବନି ପ୍ରିୟା କରିଥିବ ଦୟା
ଦର୍ଶନାଭିଳାଷୀ ରଙ୍କେ । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****