ସକାଳ

ସକାଳ

ସକାଳ ଆରମ୍ଭର ଅନ୍ୟ ଏକ ସଂଭାବନା,

ସକାଳ ଅସରନ୍ତି ମୁହୂର୍ତ୍ତର, ମୁହୂର୍ତ୍ତଟେ ।

ସକାଳ ଆଶା ର ଆର ପାଖେ

ଆଉଥରେ ଫେରିବାର ବେଳ,

ସକାଳ ଦୂର, ଧିର ଦିଗନ୍ତ ଦେଖା ଚାହଁ।

 କେବେ ଏ କୂଳ ସେ କୂଳ ।

ସକାଳ ତୀବ୍ର କୋଳାହଳ ଅନ୍ତରାଳେ 

ଶାନ୍ତ କାନ୍ତ ଚଉଦିଗ ଶିଥିଳ, ଶିତଳ ।

ସକାଳ ଘନ ଅନ୍ଧକାର ଅବଧିର ଅଧରେ ଅଧୁଲାଏ 

ଆଲୋକ ଉଜ୍ଜ୍ବଳ ।

ସକାଳ ଗୁଂଜରିତ ପକ୍ଷିରାବେ 

ମୁଖରିତ ମଧୁର ମହ୍ଲାର ,

ସକାଳ ମୃଦୁ ମୃଦୁ ମଳୟର

ମହନୀୟ ସ୍ପର୍ଶ,

ସ୍ୱର୍ଗ ବା କେତେ ଦୂର..!

ସକାଳ ଟିପି ଟିପି କାକର ମୋତିଟେ,

ମତୁଆଲା ଦୂବ କାନେ ଝୁଲେ,

ସକାଳ ଦୂର୍ବାର ସେ କମନୀୟ ପରଷେ,

ଶେଫାଳୀ ମୁଁ ଲୋଟୁଥାଏ ତଳେ ।

ସକାଳ ସକଳ ପତିଆରା ସଜବାଜ ଏଡ଼ାଇବାକୁ ପ୍ରତିକୂଳ ;

ବିଶ୍ୱାସ ମୋ ଆଢୁଆଳ ।

ସକାଳ ଲେଉଟାଣି ଲଲାଟରେ ଲଟକିଛି ଲୋତକ କି ଲୋଭର 

ଅନ୍ତୁଡିଶାଳ..!!

  *****

  ଅଶୋକ କୁମାର ସେଠୀ

କଲ୍ୟାଣପୁର, ନୟାଗଡ଼

ମୋ:୯୮୬୧୦୬୦୧୫୨