ନିରିମାଖି ଫୁଲ କୋଠର ଆଘାତ
ନିରିମାଖି ଫୁଲ କୋଠର ଆଘାତ
ନିରୀମାଖି ଫୁଲ ପାଇନାହିଁ ମୂଲ
ଅକାଳେ ବାହୁଡି ଗଲା ;
ହାୟ ରେ ବିଧାତା ଏକି ତୋ'ର ଇଚ୍ଛା
ସ୍ୱପ୍ନ ଆଖି ହଜିଗଲା !!
ସ୍ୱପ୍ନ ଭିଜି ଗଲା ଆଖିର ଲୁହରେ
ଭିଜିଲା ପଣତ କାନି ;
ମାତା ଗର୍ଭଧାରୀ କାନ୍ଦୁଚି ବାହୁନି
କାହିଁ ଗଲ କୁନା ମୁନି !!
ବିଦ୍ୟା ଶିକ୍ଷା ଲାଭ ସାଜିଲା ଅଶୁଭ
ରାଜପଥେ ମୃତ୍ୟୁ ଯୋଗ ;
ପାଞ୍ଚଟି ଫୁଲକୁ ଦଳିଲା ଦାନବ
ବାହୁଡିଲେ ସର୍ବେ ସ୍ଵର୍ଗ !!
ଅକାଳେ ଝଡିଲା ଫୁଲର ପାଖୁଡା
କେମିତି ସହିବ ମାଆ ;
ଦଶ ମାସେ ସିଏ ଗର୍ଭେ ଧରି ଥିଲା
ବୁଡିଗଲା ତା'ର ନାଆ !!
ଏକି ବିଭୀଷିକା ଏ ଦୁନିଆ ଛାନିଆ
କାଳର କରାଳ ରୂପ ;
ଲୌହ ଭାରି ଯାନ କଲା ଏ ସଂହାର
ରାଜପଥେ ଧ୍ଵଂସ ସ୍ତୁପ !!
ମୁଁ ସିନା ସହୁଛି କଵିଟିଏ ବୋଲି
କେମିତି ସହିବ ମାଆ ;
କେତେ ଆଶା ନେଇ ପାଳିଥିଲା ସେଇ
ତା'ତୁଣ୍ଡରୁ ହଜିଲା ନାଆ !!
ପିତୃ ଦେବ ମୁକ ଢାଳେ କେତେ ଲୁହ
ହୃଦୟଟା ଯାଏ ଫାଟି ;
କାହିଁ ଗଲ ଧନ ହେ ସୁନା ମନ
ମୋତେ କେ ଦବରେ ମାଟି !!
ଶେଷ ଶ୍ରଦ୍ଧାଞ୍ଜଳୀ ପୁଷ୍ପ ର ଆଞ୍ଜୁଳି
କରୁଛି ମୁଁ ସମର୍ପଣ ;;
ହେ ଶିଶୁ ଗଣ କର ହେ ଗ୍ରହଣ
ଏ ଶ୍ରଦ୍ଧାର ସୁମନ ଜାଣ !!
ପୁଣି ଆଉଥରେ ସରାଗ ମନରେ
ମର୍ତ୍ତ୍ୟ ପୁରେ ତୁମେ ଆସ ;
ହସିବ ଜନନୀ ସ୍ନେହର ରଙ୍କୁଣୀ
ତଵ ପୁନର୍ଜନ୍ମ ହେବ ସତ୍ୟ !!
ସଦାନନ୍ଦ ସାହୁ ;କାରା କର୍ମଚାରୀ ;
କେନ୍ଦ୍ରୀୟ କାରାଗାର ;କଟକ ; ଚୌଦ୍ୱାର ;
ଦୂର ଭାଷ ସଂଖ୍ୟା -9776184548