Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Bauribandhu Lenka

Inspirational Others

5.0  

Bauribandhu Lenka

Inspirational Others

ବିଚିତ୍ର ଏ ମନ ମୋର

ବିଚିତ୍ର ଏ ମନ ମୋର

1 min
7.0K


ଯେତେବେଳେ ଛୋଟ ପିଲା ଥିଲି,

"ପାପା" "ମାମା" ଏଇ କେତୋଟି ଶବ୍ଦ ମୁଁ

ଖନେଇ ଖନେଇ କହୁଥିଲି ॥

ମନ ମୋର ଯାହା କରୁଥିଲି,

ଖେଳଣା କଣ୍ଢେଇ ଆସୁଥିଲା ଯେତେ

ସବୁ ଭାଙ୍ଗି ମଜ୍ଜା ନେଉଥିଲି ॥

ନିଜକୁ ମୁଁ ବଡ ଭାବୁଥିଲି,

ପାପାଙ୍କର ଯୋତା ଚପଲ ପିନ୍ଧି କି

ଘର ଅଗଣାରେ ଚାଲୁଥିଲି ॥

ଗାଲୁ ଗାଲୁ କରି ଗପୁଥିଲି,

ଜେଜେ,ଜେଜେମା ଖୁସି ହେଉଥିଲେ

ପରିବାର ମନ ମୋହୁଥିଲି ॥

ବୟସ ମୋ ଚାଲିଥିଲା ବଢି,

ସ୍କୁଲ୍ ରେ ମୋର ନାମ ଲେଖିଦେଲେ

ବାହାରିଲି ମୁଁ ପାଠ ପଢି ॥

ଯୁବା ବୟସ ମୋ ଆସିଗଲା,

ପାଠ ପଢା ସାରି ବାହା ସାହା ହେଲି

ସଂସାରୀ ଜୀବନ ଚାଲୁ ହେଲା ॥

ସମୟ ଚାଲିଲା ଗଡି ଗଡି,

ପଡି ଉଠି ଧାଇଁ ବୃଦ୍ଧ ମୁଁ ହେଲିଣି

ହାତରେ ମୋ ଆଜି ଆଶାବାଡି ॥

ମନ ଖୋଜେ ଆଜି ପିଲାବେଳ,

ପିଲାବେଳେ ଶୀଘ୍ର ବଡ ହେବା ପାଇଁ

ଏଇ ମନ ଥିଲା କି ଚଞ୍ଚଳ ॥

ବଡ ବିଚିତ୍ର ଏ ମନ ମୋର,

ଯେତେବେଳେ ଯାହା ଚାହିଁଲେ କିଏ ସେ

ପୂରଣ କରିବ ଇଚ୍ଛା ତାର ॥

*****


Rate this content
Log in