ମନାସି ଥିଲି ଏ ବ୍ରତ
ମନାସି ଥିଲି ଏ ବ୍ରତ
ତୁମ ଲାଗି ମୁଁ ଯେ ଓପାସ ରଖିଛି
ମନାସିଥିଲି ଏ ବ୍ରତ ,
ଆନକୁ-ନଜର ଦୋଷ ଝାଡିବାକୁ
ମିଛ ନୁହେଁ,ପୂରା ସତ ।
ଏ ଗୋପରେ କା'ର ନଜର ପଡ଼ିଛି
କିଏ ସେ ପେଶୁଛି ଦୂତ ,
ତାଙ୍କ ଆତଙ୍କରେ ସାରା ପୁରବାସୀ
ହେଉଛନ୍ତି ଭୟଭୀତ ।
ତୁମ ଲାଗି ସିନା ଆଶ୍ଵସ୍ତିରେ ଟିକେ
ଜନେ ରହୁଛନ୍ତି ଏଠି ,
ପ୍ରତି ପ୍ରମାଦରୁ ତୁମେ ତ ତାରୁଛ
ଆସୁଛି ଯା' ଗୋଟି,ଗୋଟି।
ଏଠି ସିନା ତୁମ ଜୟଘୋଷ ଶୁଭେ
ତେଣେ କା'କରାଳ ଦୃଷ୍ଟି ,
ବାରବାର କେତେ କୁଚକ୍ରାନ୍ତ କରେ
ନାଶିବାକୁ ତଵ ସୃଷ୍ଟି।
ତା'ର ସେଇ ହୀନ ଉଦ୍ୟମକୁ କେବେ
ନ ମିଳୁ ଯେ ସଫଳତା ,
ସକଳ ଆପଦ,ବିପଦୁ ତୁମକୁ
ରଖନ୍ତୁ ସେ ଗୌରୀ ମାତା ।|
ବି ନିରୁପମା।
ମାମୁରିଆ, ଛେଣ୍ଡିପଦା, ଅନୁଗୋଳ