ବେସୁରା ଗୀତି-୭୩୮
ବେସୁରା ଗୀତି-୭୩୮
ମୋ ନିରବତା ଭିତରେ
କେବେ କଣ ଶୁଣିଛୁ କି ହୃଦୟର ସ୍ଵର
ମୋ ଆଖି ତଳେ କେବେ କଣ ପଢିଛୁ କି
କିଛି କିଛି ଅଲେଖା ଅକ୍ଷର ?
ବର୍ଷା ତୁ ବର୍ଷୁଛୁ ସିନା
ମୋ ମନର ମେଘନାଦ ପାଚେରି କୁ ଡେଇଁ
ତୁ ବୁଝୁ କି ନାହିଁ
ହୃଦୟର ଅକୁହା କଥା ମୁଁ କିଛି
ପାରେ ନାହିଁ କେହି ॥
ତୁ ଯେବେ ଛୁଇଁଯାଉ
ହୃଦୟ ର ନିଭୃତ ନିଳୟ
ଛମ୍ ଛମ୍ ତାନେ ତୋର
ପଲ୍ଲବିତ ହୁଏ କିଶଳୟ ॥
ତୁ ଯେବେ ବରଷି ଯାଉ
ଶିହରାଇ ତନୁ ମନ ମୋର
ତୋ ଭିତରେ ଲୁଚିଥାଏ
ଜୀବନର ପ୍ରଥମ ଅକ୍ଷର ॥
ସବୁ ବୁଝି ଅବୁଝା ତୁ କାଳେ କାଳେ
ଖାଲି ପଦେ ଗୀତ ଗାଇଦେଉ
ବର୍ଷଣ ମୁଖରେ ତୋର ରାତିର ଛାତି ରେ
ସବୁ କଥା କହୁଥାଉ ତୋ ନିରବ ସ୍ଵରେ ॥