ଗାଁ ରେ ଶୀତ ସକାଳ
ଗାଁ ରେ ଶୀତ ସକାଳ
ଶୀତଆସେ ଗାଁରେ
ସକାଳର ଶୀତଳ ସମୀରଣ,
ଆଉ କାକରର ଭିଜାଭିଜା ବାସନାରେ
ନୀରବରେ ଛୁଇଁଯାଏ ମାଟିକୁ l
ଥରି ଉଠେ ଦେହ ଓ ମନ,
ପୋଖରୀ ତୁଠରୁ ଫେରୁଥିଵା
ଓଦା ବସନ ପରିହିତା ନବ ବଧୂ ଟିର l
ବାରଣ୍ଡା ରେ ବସିଥିବା ଜରାଜୀର୍ଣ୍ଣ ବୁଢ଼ା ଟି
ଥୁରୁ ଥୁରୁ ଦେହରେ ଚାହିଁ ରହି ଥାଏ
କେତେ ବେଳେ କଅଁଳ ଖରା ଟିକେ ଆସିଵ l
ଫୁଙ୍ଗୁଳା ପିଲା ଗୁଡାକ
ଦାଣ୍ଡରେ କାଠି କୁଟା ର ଧୂନି ଲଗାଇ
କରି ବସନ୍ତି ପ୍ରୟାସ,
ଶୀତ ସହ ଲଢିବା ପାଇଁ !
କାହାରିକୁ ଖାତିରି କରୁ ନ ଥିଵା ବୁଲା କୁକୁରଟା
ଲାଞ୍ଜ ଜାକି ଶୋଇଯାଏ ବାଡ଼ି ପଟେ l
କୋଳାହଳରେ ଫାଟି ପଡୁଥିବା ଗାଁଟା
ପାଲଟିଯାଏ ନିରବ ନିଶଦ୍ଦ,
ଚଳଚଞ୍ଚଳ ଗାଁଟାକୁ
କିଛି ସମୟ ପାଇଁ କରିଦିଏ ଶିଥିଳ
ଗାଁରେ ଶୀତ ସକାଳ l
ତଥାପି ଵି ଭଲ ଲାଗେ
ଗାଁ ରେ ଶୀତ ସକାଳ....