ଭଜୁ କିନା ରାମ ନାମ

ଯଶୋବନ୍ତ ଦାସ

ଭଜୁ କିନା ରାମ ନାମରେ ରାଜନ

ବୋଲୁ କିନା ରାମ ନାମ,

ଭଜି ନପାରିଲେ କୂଳ ଚନ୍ଦ୍ରମାରେ

ବାନ୍ଧି ନେବ କାଳ ଯମ ।

କି କରିବେ ତୋତେ ମାୟା ସ୍ତିରୀମାନେ

ମାୟାରେ ହୋଇଛୁ ଭୋଳ,

ଆଜି ମଲେ କାଲି ହେବ ଦୁଇ ଦିନ

ମିଥ୍ୟା ମାୟାରେ ଏ ସଂସାର।

ରାଜ କୁଳ ବଡ଼ ସୁଖ ଲୋ ଜନନୀ

ଯୋଗୀ କୁଳ ବଡ଼ ଦୁଃଖ,

ନ ଜାଣଇ ଯୋଗୀ ଖରା ଓ ବରଷା

ବୁଲି ମାଗୁଥାଇ ଭିକ।

ତୁହି ଯୋଗୀ ଘର ଗଲେରେ କୁମର

ମୋହର ପରମ ସୁଖ,

ଚାରି ଯୁଗେ ବଳା ହେବୁରେ ଅମର

ଚାହିଁଥିବି ତୋର ମୁଖ ।

ସମାପ୍ତ