ବେସୁରା ଗୀତି-୭୧୪
ବେସୁରା ଗୀତି-୭୧୪
1 min
6.2K
ବର୍ଷା ଗୋ ତୁମେ ନିଦାଘକୁ କିଆଁ
ତଡି ଦେଲ ଥରେ କୁହ
ପୋଛି ପାରୁନାହଁ ଯଦି ଆଜି ତୁମେ
ବିରହୀ ଆଖିର ଲୁହ ॥
ନିଦାଘ ରେ ଯେବେ ଜଳୁଥିଲା କେହି
ଜଳୁଥିଲା କା’ର ଦେହ
ଜଳି ଯାଉଥିଲା ହୃଦୟ କାହାର
ଉଠୁଥିଲା କାର କୋହ ॥
ଜୀବନ ଯୁଦ୍ଧରେ ହାରି ଯାଏ କିଏ
ଖୋଜୁଥିଲା ତୁମ ଛୁଆଁ
କିଆଁ ତୁମେ ତାର ଛୁଇଁଲନି ଦେହ
ଜାଳିଲ ବିରହ ନିଆଁ ॥
କାହିଁକି ଗୋ ତୁମେ ଏତେ ନିରିଦୟ
କି ଦୋଷ କଲା ସେ କୁହ
ତୁମରି ପରଶେ କେଉଁଥି ପାଇଁକି
ଥଣ୍ଡା ହେଲାନି ତା ଦେହ ॥
କହୁଛି ଆଜି ଗୋ ତୁମକୁ ବରଷା
ଏବେ ବି ହୋଇନି ଡେରି
ଶୀତଳ କର ତା ଦେହ ମନ ପ୍ରାଣ
ତା ନହେଲେ ଯାଅ ଫେରି ॥