ଇଣ୍ଟରନେଟ

ଫେସବୁକ ନିଶା ଘାରିଥିଲା ଦିନେ

ମିଛ ଖାଲି କହୁଥିଲି

ଘରେ ହଟିହଟି ଜିଓ ଫୋନଟି

କିଣିକରି ଆଣିଥିଲି l

ସାଙ୍ଗସାଥୀ ମେଳେ ଫୋନକୁ ଧରି

ପାଠକୁ ଭୁଲିଥିଲି

ମାଆ ବାପାଠୁଁ ନିତିନିତି

ମାଡ଼ଗାଳି ଖାଉଥିଲି l

ଫେସବୁକର ସୁନ୍ଦରୀକି ଦେଖି

ଚାଟିଙ୍ଗ କରୁଥିଲି

ଜିଓ ଫୋନରେ ନିତିନିତି

କଥା ହେଉଥିଲି l

ଏକାନ୍ତରେ ଦିନେ ଭେଟିବା ପାଇଁ

ମନରେ ଭାବିଥିଲି

ଘରୁ ଲୁଚେଇ ପଇସା ଆଣି

ଉପହାର କିଣିଥିଲି l

ଉପହାର ଧରି ମନଖୁସିରେ

ସୁନ୍ଦରୀ ପାଖକୁ ଗଲି

ଅସଲ ରୁପକୁ ଦେଖିକରି ମୁଁ

ବେହୋସ ହୋଇଗଲି l

ମଧୁର ବଚନ ଲେଖୁଥିଲା ସିନା

କଥାଟା ଥିଲା କର୍କଶ

ଛୋଟ ଉପହାର ବୋଲି ଫିଙ୍ଗି ଚାଲିଗଲା

ମନ ହୋଇଥିଲା ନିରାଶ l

ଆଳୁ ଭିତରେ ସାରୁ ଅଛି ବୋଲି

ବୁଝି ପାରିନଥିଲି

ସାରା ଜୀବନ ଅନୁତାପ କରି

ବାହୁନି କାନ୍ଦିବି ଖାଲି l

ମନ ଦୁଃଖରେ ଘରକୁ ଯାଇ

ବଉ ପାଖେ କହିଥିଲି

ଜୀବନରେ ଆଉ ଭୁଲ କରିବିନି

ହାତ ଯୋଡି ଦେଇଥିଲି l

ଜ୍ଞାନର ଭଣ୍ଡାର ଅଟେ ଇଣ୍ଟରନେଟ

ସଭିଙ୍କୁ ବୁଝାଇ ଦେଲି

ସେବେଠାରୁ ମୁଁ ସୁନାପିଲା ହୋଇ

ଜ୍ଞାନୀରେ ଗଣତି ହେଲି l