ବାପା ମୁଁ ଭଲରେ ଅଛି

ବାପା ମୁଁ ଭଲରେ ଅଛି

ଘରକୁ ସେମାନେ ନେଲେ ପାଛୋଟି

ଜିନିଷ ଗଣିଲେ ଗୋଟିକି ଗୋଟି

(କହିଲେ)

ବଡ ଜିନିଷ ସିନା ଭୁଲି ଯାଇଛି

ଛୋଟ ଛୋଟ ସବୁ ଭଲ ହେଇଛି

ବାପା ମୁଁ ଭଲରେ ଅଛି---------

 

କାନଫୁଲ ହାର ମୁଦି ଚେନ

ଦେଖିଲେ ସୁନାକୁ କରି ଓଜନ

(କହିଲେ)

ଚୋରି ହେବ ବୋଲି ମନରେ ବୁଝି

ରୂପାର ଗହଣା ଭଲ ଦେଇଛି

ବାପା ମୁଁ ଭଲରେ ଅଛି---------

 

କାଠ ଜିନିଷ ବଡ ଆଦର

ଦେଖିଲେ ଶିଶୁ ନା ପିଆଶାଳ

(କହିଲେ)

ଶାଗୁଆନ କଣ ଜଙ୍ଗଲେ ଅଛି?

ଆମ୍ବକାଠ ସବୁ ଆଣିଛି ବାଛି

ବାପା ମୁଁ ଭଲରେ ଅଛି---------

 

 

 

 

 

 

 

 

 

(କଥା ହେଲେ)

ପାଟ ଶାଢୀ ପରା ଭାରି ଗରମ

ସୂତା ଫେଟା ଶାଢୀ କେତେ ନରମ

ସିଲିକି କଣ ଫେସନ ଅଛି?

ସମୁଦୀ ଦେଇଛି ଦୋକାନୁ ବାଛି

ବାପା ମୁଁ ଭଲରେ ଅଛି---------

 

ହଣ୍ଡା ହାଣ୍ଡି ଥାଳି କଂସା ପିତ୍ତଳ

ଆଜିକା ଯୁଗରେ ହେଲା ଅଚଳ

ସେଗୁଡାକ ଆଜି କିଏ ମାଜୁଛି?

ଷ୍ଟିଲି ବାସନ ଚିଇକି ଚିକି

ବାପା ମୁଁ ଭଲରେ ଅଛି---------

 

ତୋ ବୋପା, ତୋ ଭାଇ, ତୋ ଗୁରୁଜନ

ସବୁବେଳେ ଏଠି ପକାନ୍ତି ମନ

ତୁମ କଥା ସବୁ ଭୁଲି ଯାଇଛି

କେତେ ସ୍ନେହ ପରା ଏଠି ମିଳୁଛି

ବାପା ମୁଁ ଭଲରେ ଅଛି-----