ମୁଗ୍ଧ ଅନୁଭବ
ମୁଗ୍ଧ ଅନୁଭବ
ତମ ଭରା ଯଉବନ
କେବେକେବେ ଲାଗେ
ଉଜାଣି ନଈର ଧାର
ପୁଣି କେବେ ଦେଖାଦିଅ
ମନୋମୁଗ୍ଧକର ସେଇ
ଦୂର ଦୀଗବଳୟର
ଧାରେ ଧାରେ
ମେଘୁଆ ଆକାଶର
ଇନ୍ଦ୍ରଧନୁର ରୂପରେ l
ତମେ ଦେଖାଦିଅ
ଅନନ୍ୟା ସୁନ୍ଦରୀ ରୂପରେ
ସେଇ ହଳଦୀ ମଖା ଦେହେ
ହାତରେ ତମର
ସୁଶୋଭିତ ମେହେନ୍ଦିର ଗାର
ପାଦରେ ପାଉଁଜି ଓ ଝୁଣ୍ଟିଆ
ସହ ନାଲି ଅଳତାର ଧାର
ଓଷ୍ଠରେ ଲିପଷ୍ଟିକ୍ ଆଉ
ମୁଣ୍ତରେ ବଉଳ ଫୁଲର
ମୋଟା ଗଜରା ମାଳ l
ତମର ସେଇ ଲାଜ ଲାଜ ଭାବ
ମୋହାବିଷ୍ଟ ଖିଲିଖିଲି ହସ
ଛମ୍ ଛମ୍ ପାଉଁଜିର ଶବ୍ଦ
ସତ କୁହତ ?
ସୌନ୍ଦର୍ଯ୍ୟରେ ଭର୍ ପୁର୍
ଏସବୁ ପରୀ ଅପସରାର
ମୋହାଚ୍ଛନ୍ନ ଅଭିସାରିକା ବେଶ
କେବଳ କଣ ଉଦ୍ଦିଷ୍ଟ
ମୋ ଭିତରେ ଭରିଦେବାକୁ
ସେଇ ସବୁ ମୁଗ୍ଧ ଅନୁଭବ ?
***********-********************
ପ୍ରଶାନ୍ତ କୁମାର ବେହେରା
ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,
ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬