ମହାଳୟା
ମହାଳୟା
ଇନ୍ଦୁ ପୂର୍ଣ୍ଣମୀ ପରେ ପିତୃପକ୍ଷ ସନାତନ ଧର୍ମ ପାଳେ
ମହାଳୟା ଠାରେ ସମାପିତ ହୁଏ ଫୁଲରି ଓଷା ସକଳେ ।
ପିତୃଗଣଂକୁ ପିଣ୍ଡଦାନ ଲାଗି ପକ୍ଷ ଟିଏ ଅପେକ୍ଷି
ସାତ ପରିବା'ର ଘାଂଟ ତରକାରୀ ସପ୍ତ ପୁରୁଷେ ପରଶି ।
ନବରାତ୍ର ହୁଏ ଆରମ୍ଭ ତାପରେ ଦେବୀଂକର ଆରାଧନା
ମୃଣ୍ମୟ ମୂର୍ତ୍ତିରେ ଖଡ଼ି ଚଢା ହୋଇ ରଂଗ ପାଇଁ ତନାଘନା ।
ପୀଠ ଦେବୀଙ୍କର ବେଶ ହୁଏ ଦଶ ମହାବିଦ୍ୟା ପରିଗଣି
କୁମାରୀ କନ୍ୟାକୁ ପୂଜନର ବିଧି ଗୌରୀ ମାତା ପରମାଣି।
ଶୈଳପୁତ୍ରୀ ବ୍ରହ୍ମଚାରିଣୀ କୁଷ୍ମାଣ୍ଡା ଚନ୍ଦ୍ରଘଣ୍ଟା ସ୍କନ୍ଦମାତା
କାତ୍ୟାୟନୀ କାଳରାତ୍ରୀ ମହାଗୌରୀ ପୁନଃ ମାତା ସିଦ୍ଧିଦାତା (ସିଦ୍ଧିଦାତ୍ରୀ) ।
ପରଂପରା ଆମ ଶିକ୍ଷା ଦେଇଛି ନାରୀକୁ ସମ୍ମାନ ଦେବା
ନାରୀ ସମ୍ମାନିତ ହେଲେ ସମାଜରେ ମଥାତୋଳି ଛିଡାହେବା।
ନାରୀ ଯହିଁ ପୂଜା ପାଏ ତହିଁ ବିରାଜନ୍ତି ଦେବଗଣ
ନାରାୟଣୀ କିଛି ଆନ ନୁହେଁ ସେତ ନାରୀ ରୂପେ ନାରାୟଣ ।
ବିଶ୍ୱେଶ୍ୱର ମାଝୀ