ଦିନଚର୍ଯ୍ୟା

ଦିନଚର୍ଯ୍ୟା

      ରଞ୍ଜନ କୁମାର ବ୍ରହ୍ମା,  

      ଶିକ୍ଷକ, ସି ଆର ସି ସି

 

ସକାଳୁ ଉଠି ରୁଦ୍ରରୂପା

ତା' ମୁହଁ କୁ କଲା ସଫା ।

 

ବଦଳାଇ ଲୁଗା ପାଲଟା

ଖାଇଲା ଗରମ ପରଟା ।

 

ଫିଟେଇଲା ବହି ବସ୍ତାନି

ଗଣିତେ ମନ ଦେଲା ପୁଣି ।

 

ବାଜିଲା ଘଡିରେ ଆଠଟା 

ଗାଧୋଇଲା ସାରା ଦେହଟା ।

 

ପିନ୍ଧିଣ ସ୍କୁଲ ର ପୋଷାକ

ଖାଇଲା ଗରମ ଗଣ୍ଡାକ ।

 

ଚଳିଲା ସ୍କୁଲ ତତ୍ କ୍ଷଣ

ପାଠ ପଢ଼ରେ ଦେଲା ମନ ।

 

ସାଙ୍ଗ ସାଥିଙ୍କ ଗହଣରେ

ପଢିଲା ଖେଳିଲା ଖୁସିରେ ।

 

ଅପରାହଣେ ଗୃହେ ଫେରି

ବ୍ୟାଗ ପୋଷାକ ସେ ଉତାରି ।

 

ହାତ ଗୋଡ଼ ମୁହଁ ଧୋଇ

ମାମା ଦେବା ଖାଦ୍ୟ ଖାଇ ।

 

ସ୍କୁଲରେ ଯାହା ଘଟିଥିଲା

ମମାଙ୍କ ଆଗେ ବଖଣିଲା ।

 

ତା' ସାଇକଲ ଟି ଧରିଲା

ସାଙ୍ଗ ସାଥି  ମେଳେ ବୁଲିଲା ।

 

ସନ୍ଧ୍ୟାରେ ଗୋଡ ହାତ ଧୋଇ

ଦିଅଁକୁ ପ୍ରାର୍ଥନା କରଇ  ।

 

ତା ' ଘର କାମ ସାରି ଖାଏ

ନ' ଟାରେ ଟି ଭି ଦେଖି ଶୋଏ ।

 

ଏମିତି ପ୍ରକାରରେ ରୁପା

କରଇ ତା'ର ଦିନଚର୍ଯ୍ୟା ।

 

ତୁମର କେମିତି ଯେ କୁହ

ଭଣିବ ଏହି ବ୍ରହ୍ମା ପୁଅ ।

     ********