ମନ ମଇନା
ମନ ମଇନା
ଯୈାବନ ଜୁଆରେ କାତ ପାଉନାହିଁ
ମାନସୀ ଗୋ ମଦାଳସୀ,
କାମନା ଢେଉରେ ଆହୁଲା ନ ଚାଲେ
ପ୍ରୀୟତମା ମୋ ଷୋଢଶୀ ॥
ଶୃଂଗାର ରସରେ ତନୁ ସଜାଇଛ
ଅନ୍ଧକାରେ ପୂର୍ଣ୍ଣଇନ୍ଦୁ,
ଗୋଧୂଳୀ ଲଗନେ ଇନ୍ଦ୍ରଧନୂ ତୁମେ
ସରସୀ ମୋ ପ୍ରାଣବିନ୍ଦୁ ॥
ବିଛାଇ ଦେଇଛ କୁଂଚିତ ଗଜରା
ନୟନରେ କାମଶର,
ଭୃଲତା ନିନ୍ଦଇ ନଭ ବାଳଇନ୍ଦୁ
ଗ୍ରୀବା ଦିଶେ ମନୋହର ॥
ଗୋଲାପୀ ଅଧରେ ମଧୁ ଭରିଅଛ
ଭ୍ରମର ହୁଏ ପାଗଳ,
ଚିବୁକ ଜାଇରେ ରୂପ ନିଖାରିଛ
ମୁଖଶ୍ରୀ କରି ଉଜ୍ଜଳ ॥
କଦମ୍ବ ଫୁଟିଛି ବକ୍ଷ ଯୁଗଳରେ
ନାଭିଚକ୍ରରେ ପିପାସା,
ନିତମ୍ବ ଗାଉଛି ପ୍ରେମର ରାଗିଣୀ
ସତେ ଅବା ମୃଗତୃଷ୍ଣା ॥
ଚାଲିରୁ ଝରଇ ସଦ୍ୟ ମଲ୍ଲୀଫୁଲ
ଅଂଗରୁ ଚହଟେ ବାସ,
ପୀରତି ଫରୁଆ ଭିଜେ ମୈାସୁମୀରେ
ସତେ କି ବାସର ମାସ ॥
ପୀରତି ପଲଂକେ ମହୁରୀ ବଜାଇ
କରୁଅଛ ଆନମନା,
ଝୁରେ ମୋ ପୀରତି ଝୁରୁଛି ମୁଁ ନିତି
ତୁମେ ମୋ ମନ ମଇନା ॥
-----ଗୈାରାଂଗ ଚରଣ ବେଉରା------
----ଶିକ୍ଷକ କୁଲିଆମାଲ ଉଚ୍ଚ ବିଦ୍ୟାଳୟ----