ମୁଁ କେବଳ ମା'
ମୁଁ କେବଳ ମା'
ପିଲା ହଜାଇ ଥିବା ମା' ମୁଁ
ହେଲେ-----
ବୟସ ଓଦା କାଂଥର ଓଳିତଳେ
ଝୁଲୁଛି ---,
ଉଦାସ ଅପରାହ୍ନ ପରି ଅପେକ୍ଷା କରିଛି----,
କେତେ ବିଶ୍ବାସ ରକ୍ତ ରେ ଲହଡି ଭାଙ୍ଗୁଛି ---
ଆଜି ଫେରି ଆସିବ କି
ମୁଁ ଗଢି ଥିବା ମୋ ଆକାଶ ,
ମୋଟା ବହଳା କାଚର
ପରଦା ତଳେ
ଶେଷ ନ ହେଉ ମୋ ଅପେକ୍ଷା,
ପ୍ରସବିତ ଆତ୍ମୀୟ ମୋର
ସବୁ କଷ୍ଟ କୁ ଅନ୍ତକରି ଫେରିଆସୁ
ଥରକ ପାଇଁ ହେଲେ ବି --
ପ୍ରଜ୍ବଳିତ ହେଉ
ଲିଭି ଆସୁଥିବା ଆୟୁଷ ର ଦୀପ
ସବୁ ଅନ୍ଧକାର କୁ ପଛ କରି ,
ମୁହିଁ ତ ମା ' ଧରିତ୍ରୀ ପରି ଉଦାର,
ଭଙ୍ଗା କାଂଥର ଛପରା ନଥିବା ଚାଳରେ ---
ଶେଷ ନଥିବା ଅପେକ୍ଷା ମୋର
କୋଳେଇ ନେବା କୁ
ଘର ଭୁଲି ଚାଲିଯାଇଥିବା
ମୋ ସନ୍ତାନ କୁ ,
ଅଭ୍ୟାସ ରେ ବସ ହୋଇ
ପକ୍ଷୀ ମାନେ ତ ଫେରନ୍ତି ନୀଡକୁ
ଘର ବାହୁଡା ମନଟିଏ ନେଇ
ସଂଜବେଳେ ଗୋରୁ ଗାଇ
ଫେରନ୍ତି ଗୋଠରୁ
ଗୁହାଳେ ରହିବା ପାଇଁ ,
ହେଲେ ମୋ ଧନ କଣ
ଫେରିବନାହିଁ ବିଦେଶ ରୁ ???
ମୁଁ ମା' ----
ବିଶ୍ଵାସ ର ମର୍ହାଦ୍ଧ,
ବିଶ୍ଵାସ ର ମହାନତା ରେ
ସେ ଫେରିବ ,
ଏଇଠି ତା ଷଠି ଘର
ଏଇ ତା ମା' କୋଳ
ଛାତି ଚିରି ଦେଇ ଥିଲି ଅମୃତ
କଢିରୁ କାଦମ୍ବରୀ କରି ,
ପରି ତୃପ୍ତିର ଉଜ୍ଜାସରେ
ପୁରିଉଠେ ଏକ ଲାଂଛିତ ଅବହେଳିତ ମା' ର ଶୂନ୍ୟସ୍ଥାନ ,
ସେତ କେବଳ ମା'
ବିଶ୍ଵାସ ର ଏକ ଦୀପ ଶିଖା
ସନ୍ତାନ ମଂଗଳ ପାଇଁ ଯିଏ
ଜଳି ପାରେ ଅହରହ ,
ତେଣୁ ପଣତ କୁ ଲଂବାଇ
ଅପେକ୍ଷା ତାର ----
ମାତୃତ୍ବ ର ପୁର୍ଣ୍ଣ୍ୟତା ,
କିନ୍ତୁ ବେଳେ ବେଳେ
ମାପକାଠି ରୁ ସଂପର୍କ ର ଦୂରତା ପରି--
ପିଲାଛୁଆ ଦୂରେଇ ଯାଆନ୍ତି ,
ହେଲେ ---
ସ୍ୱର୍ଗାଦପି ମା'ର ସ୍ନେହ
କଣ ଦୂରେଇ ଯାଏ --
ନା ଛାଇ ଢୋକି ଖରା ଦେଇ ଥାଏ ,
ମା' ପରା ସକାଳ ପରି
ଶାନ୍ତ ସରଳ --
ଓଁ କାର ଧ୍ବନି ଓ ବେଦମଂତ୍ର ପରି
ଜୀଇଁ ଥାଏ --
ପ୍ରସବ ବେଦନା ପରି ବାରଂବାର ,
ମା ' ଗଢି ବା ମୋହରେ
ବଶ ହୋଇ
ଢେର୍ ଆନନ୍ଦିତ ହୁଏ
ମନତାର ଭାଙ୍ଗିବା ପାଇଁ ନୁହଁ
ବରଂ ଶେଷ ଇଛା
ପିଲା ମୋର ଯେତେ ଦୁଃଖ
ଦେଲେ ବି ---
ମୁଁ ତା କାନ୍ଧରେ ମଶାଣିକୁ ଯାଏ ,
ମନୋରମା ମିଶ୍ର,
340/2181,ଶକ୍ତି ନଗର ,
ଶିଶୁ ପାଳ,
ପୁରୁଣା ଭୁବନେଶ୍ଵର,
ମୋ---9861674497 ,
Email id anuragoriya@gmail.com