Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡ଼ିଆ ଗଳ୍ପ ଓ କବିତା - ୧

Classics Romance

2  

ଓଡ଼ିଆ ଗଳ୍ପ ଓ କବିତା - ୧

Classics Romance

ପ୍ରେମ-ସ୍ପର୍ଶ

ପ୍ରେମ-ସ୍ପର୍ଶ

1 min
6.9K


ରୋମାଣ୍ଟିକ କବି ମାୟାଧର ମାନସିଂହ


ସେଦିନ,ନୀରବ-ଶାନ୍ତ ନିଶୀଥ ବଳଭୀ,

ପରିପୂର୍ଣ୍ଣ-ଆଲୋକିତ,ଚନ୍ଦ୍ର-କର ଲଭି

ସହସା କାହାର ମୃଦୁ କଙ୍କଣ-ଝଙ୍କାରେ

ହୋଇଲା ଝଙ୍କୃତ ଧୀରେ ! ଚକିତ-ପ୍ରକାରେ

ଚାହୁଁ ମୁଁ, ନୟନ ମୋର ବନ୍ଦୀ ହେଲା କ୍ଷଣେ

କାହାର ଶ୍ରୀକର-ପତ୍ରେ ;କନକ କଙ୍କଣେ

ଗଣ୍ଡେ ମୋ ନିହିଣ ଦାଗ,କର୍ଣ୍ଣେ କେ ପୁଚ୍ଛିଲା

'କିଏ କହ' 'କିଏ କହ' ;ଶ୍ରବଣେ ପଶିଲା

ସେ ମଧୁ ଅସ୍ଫୁଟ ଧ୍ୱନି ମର୍ମ-ପଥେ ମୋର,

ପରିଚିତ ସ୍ପର୍ଶ, ଆଉ ପରିଚିତ ସ୍ୱର

ସାହସ ଆଣିଲା ବକ୍ଷେ । କର ନେଇ ଟାଣି,

ଧୀରେ ସେ ସୁନ୍ଦର ମୁଖ ବକ୍ଷେ ରଖି ଆଣି,

ଅଘ୍ରାଣିଲି ପୁଷ୍ପ-ଗନ୍ଧ ମଞ୍ଜୁଳ କବରୀ

ଏକଇ ଆଘ୍ରାଣେ ପାହିଗଲା ବିଭାବରୀ ।

ସମାପ୍ତ


Rate this content
Log in