ଜୀବନ ଯଦି
ଜୀବନ ଯଦି
ଜୀବନ ଯଦି ଫୁଲ ବଗିଚା
ପିଲାଏ ଆମ ଲତା ବିତାନ,
ମଧୁର ଫଳ ନାତି ନାତୁଣୀ
ତାଙ୍କରି ମେଳେ ,ଯାଉ ଜୀବନ;
ମୂଳରୁ ସୁଧ ଅଧିକ ପ୍ରିୟ
ଜାଣିଛ ତୁମେ ,ଅଜା ଓ ଆଈ,
ଜେଜେବାପା ଓ ଜେଜେମା ଯେତେ
ଏଇ ଆନନ୍ଦ ,କେଉଁଠି ନାହିଁ;
ମୋ ଗେହ୍ଲା ନାତି ମଧୁର ହସ
ଦେଖିବ ସାଙ୍ଗ ,ଦେଖିବ ଆସ,
ମଧୁ ଝରା ତା', ଦରୋଟି ଭାଷା
ଶୁଣିବ ତୁମେ ,ହୋଇବ ବଶ;
ଜୀବନ ପାତ୍ର ପୂର୍ଣ୍ଣ ମୋର
ଈଶ୍ଵରଙ୍କ କରୁଣା ଭରା ,
ହସରେ ପୂର୍ଣ୍ଣ ,ଜୀବନ ପ୍ରାଣ
ଯାବତ ଚନ୍ଦ୍ର ,ଯାବତ ତାରା;
ତୁମର ଏଇ ଆଶିଷ ଯେତେ
ସାଙ୍ଗ ସାଥି ,ମୋହର କେତେ,
ବର୍ଷା ପରି ଝରି ସେ ଗଲା
ପୁଷ୍ପ ଫୁଟେ ,ମୋ ନାତି ପଥେ;
ଶେଷରେ ଆଶା ଏତିକି ମୋର
ପୁଷ୍ପ ହସୁ ଅଧରେ ତୁମ,
ସବୁ ଜୀବନେ ନାତି ନାତୁଣୀ
ଭରନ୍ତୁ ହସ ,ପୂର୍ଣ୍ଣ ପ୍ରାଣ।।