ଶୀତରାତିର ବ୍ୟଥା
ଶୀତରାତିର ବ୍ୟଥା
1 min
134
ପାପୁଲିରେ ପାପୁଲିଏ ଜହ୍ନ
ଆଖି ତଳେ ଆକାଶୀ ଆକାଶୀ ସ୍ୱପ୍ନ
ପବନ ଦେହରେ ବୋଳିଦେଇ
ଇନ୍ଦ୍ରଧନୁ ରଙ୍ଗ
କାହାକୁ ଦେଖାଇ ହେବ
ବ୍ୟଥାଭରା ମୁହୂର୍ତ୍ତର ଚିତ୍ରକଳ୍ପ ଟିଏ
ନିରୁଦ୍ଦିଷ୍ଟ ହେଲାପରେ ମନ I
ଅନଭ୍ୟସ୍ତ ହାତେ ମୋର
ପ୍ରାଚୁଯ୍ୟର ଅନନ୍ତ ଭଣ୍ଡାର
ଆଖିତଳେ ଘରଟିଏ
ତାରାଫୁଲଙ୍କର
ସକାଳର କାକର ଶେଯରେ
ଶୋଇଯାଏ
ଅନ୍ତରଙ୍ଗ ବେଦନାର ସ୍ୱର I
କାରୁଣ୍ୟର କରୁଣ ଚାହାଣୀ
ଜୀବନ ଯାତ୍ରାପଥର ନୀରବ କାହାଣୀ
କେତେକଥା କହିଦିଏ ଆଖି
ଲୁହ ଅବା ଲହୁର ମଦିରା ପିଇ
ମୁଁ ପଢୁଛି ନିରବରେ
ହୃଦଭରା ଆବେଗର ଲିପି I
ସେଥିପାଇଁତ କହିଲି
ଯନ୍ତ୍ରଣା ନଥାଇ ଜୀବନଟେ ନାହିଁ
ଦହନ ନଥାଇ ହୃଦୟଟେ ନାହିଁ
ସୂର୍ଯ୍ୟ ବିନା ନିରସ ସକାଳ
ଆଖି ଖୋଲି ଦେଖିବି ଭାବିଛି
ଶୀତରାତି ପାହାନ୍ତି ସ୍ୱାକ୍ଷର I
ବିଜୟ କୁମାର ପୃଷ୍ଟି