ମାନି ମୋ କଥା ଲେଖ କବିତା
ମାନି ମୋ କଥା ଲେଖ କବିତା
ମାନି ମୋ କଥା ଲେଖ କବିତା
କଥା ମାନି ଥରେ ସାତ ଦିନକରେ
ଛୋଟିଆ ଗୀତଟେ -- ଦେଏ ମା ଲେଖି;
ଲେଖିବୁ ଏଭଳି ଖେଳୁ ଖେଳୁ ଦୋଳି
ଗାଇବେ ତୋ ସାଥୀ -- ଗାଇବେ ସଖୀ
ଲେଖ -- ଦେଖୁ ମୋ ଆଖି,
ଦିଅ -- ଦିଅ ମା ଲେଖି || -୧
କଥା ଯେବେ ମାନ ହେବୁ କି ରେ ସାନ
ମୋ ମହତ ମାନ -- ରଖିବୁ ଜାଣ
ନ ମାନିଲେ ବାଳୀ ଦେବି ନାହିଁ ଗାଳି
ତୋତେ ମୋର ଖାଲି -- ଲାଗିଲା ରାଣ;
କଥା -- ଶୁଣ ନ ଶୁଣ;
ମୋର -- ରହିଲା ରାଣ || -୨
ଏବେ ତ ନିଜର, ଗଲେ ଶାଶୁ ଘର
ପଛେ ସାତ ପର -- କର ଦୁହିତା;
ଏଇ ତ ସଂସାର, କେ ଏଠି କାହାର,
ସାବୁ ନାରଖାର-- ଜଳିଲେ ଚିତା;
ଏବେ -- ମାନି ମୋ କଥା,
ଲେଖି -- ଦେଖା କବିତା || -୩