ପ୍ରେମ ରୋଗ
ପ୍ରେମ ରୋଗ
ଆଖିରେ ଆଖି ମିଶାଇ ଯେବେ
ଟିକିଏ ହସିଦେଲ,
ସେ ଦିନୁ ମୋର ଆଖିର ନିଦ
ସବୁ ଉଡାଇ ନେଲ I 1 I
ଚିହ୍ନା ଚିହ୍ନା ଲାଗିଲା ବୋଲି
ମୁଁ ବି ହସିଦେଲି I
ଜାଣିନି ତୁମ ନାମ ଠିକଣା
କି କାମ କର ବୋଲି I 2 I
ଧରିଲେ ବହି ଆଖି ଆଗରେ
ନାଚେ ତୁମର ମୁହଁ I
କି ପାଠ ଆଉ ପଢିବି ଏବେ
କରିବି କଣ କୁହ I 3 I
ଭାବୁଛି ମନେ କିପରି ତୁମ
ସଙ୍ଗେ ହୁଅନ୍ତା ଦେଖା I
ଖୋଲି ମୁଁ କହି ଦିଅନ୍ତି
ଭଲ ପାଏ ତୁମକୁ ଏକା I 4 I
ମୋ ରଙ୍ଗ ଢଙ୍ଗ ଦେଖି ମୋ ବୋଉ
ମନେ ଛାନିଆ ପଶେ I
କହେ ସେ ଆଜି କାଲି ମୋ ଝିଅ
ଶୁଖିଲା କାହିଁ ଦିଶେ I 5 I
ପାଠ ଚିନ୍ତାରେ ଝିଅ ମୋ ଆଜି
ଏପରି ଦିଶିଲାଣି I
କିଏ କହିବ ଝିଅ ତା ପ୍ରେମ
ପାଠରେ ପାଗଳିନୀ I 6 I
******