ଚକ୍ରବ୍ଯୁହରେ ପ୍ରେମିକା - ୬

ମୋ ଭଲ ପାଇବାକୁ

ସତରେ କଣ ତମେ

ସନ୍ଦେହ କଲ ?

ସବୁ ବାହାନା ବୋଲି

ଏମିତି କେମିତି

ମୁକ୍ତ କଣ୍ଠରେ କହିପାରିଲ ?

କେତେ ଆଉ

ମୋ ନାରୀତ୍ୱର

ଅବମାନା କରିଥିଲେ

ତମେ ଖୁସି ହୋଉଥାନ୍ତ ?

ବାରମ୍ବାର ମୋ ମନକୁ

ହତ୍ୟାକରି ଚାଲିଛ

ସବୁ ସ୍ଥିତିରେ

ମୁଁ ପାଲଟି ଯାଇଛି

ଗୋଟେ ପରାଜିତ ଓ

ଲାଞ୍ଛିତ ନାରୀ l

ତଥାପି ଖୁବ୍ ବୁଝାଇଛି

ନିଜକୁ ଆଉ ମୋ ମନକୁ

ଏବେ କିନ୍ତୁ ସମ୍ପୂର୍ଣ୍ଣ ପରାସ୍ତ l

ତମେ ପରା କହ

ଦିଆ ନିଆରେ

ବିଶ୍ୱାସ ରଖୁଥିବା ଆଉ

ବଞ୍ଚୁଥିବା ଲୋକ

କୁଆଡେ ପ୍ରେମର

ଗଭୀରତା ଭିତରକୁ

ଯାଇ ପାରେନା ?

କେବଳ ସର୍ତ୍ତରେ

ଜିଉଁଥିବା ଲୋକ ଠାରୁ

ଭଲ ଲୋକ କାଳେ କାଳେ

କୁଆଡେ ଦୂରାଇଯାଇ ଥାଏ ?

ସେଥି ପାଇଁ ତ କହୁଛି

ଗୋଟେ ଭଲ ଓ ଦାମିକା

ମନକୁ ପାଇବି

ତମେ ରଖି ପାରିଲନି

ସମ୍ଭାଳିକି,

ହରାଇଦେଲ ତାକୁ

ସବୁଦିନ ପାଇଁ l

ମନର ମର୍ମକୁ

ବୁଝୁନ କିପରି ?

ମୋ ଆବେଗ ଓ ଅସ୍ଥିତ୍ୱ

ସବୁ ଯେଉଁଠି ମୂଲ୍ୟହୀନ

ସେଠି ମୋ ଉପସ୍ଥିତିର

ଅବା କି ଆବଶ୍ଯକ ?

ତମେ ଦେଖିବ

ଈଶ୍ବର ନିଶ୍ଚେ ଦିନେ

ସବୁ ସଠିକ୍

ହିସାବ କରିବେ,

ଏମିତି ଅନ୍ୟାୟ ଭାବରେ

ଧୋକା ଦେଇ

କେହି କଣ କେବେ

ଶାନ୍ତି ପାଇ ପାରିଛି କି ?

***********************

ପ୍ରଶାନ୍ତ କୁମାର ବେହେରା

ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,

ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,

ଜଗତସିଂହପୁର l

ଦୂରଭାଷ - ୯୪୩୭୧୩୫୯୧୬