ଯୋଗ ଜନ୍ମା ବିଜୁ ବାବୁ

ଯୋଗ ଜନ୍ମା ବିଜୁ ବାବୁ

ଶ୍ରୀକୃଷ୍ଣ ସାମଲ

ମାଟିର ମହାନାୟକ ତୁମେ,

ଯୋଗ ଜନ୍ମା ବିଜୁ ବାବୁ

ଉତ୍କଳ ବୃଷଭ ତୁମେ

ତେଜ ଦୀପ୍ତ ଗୁଣର ଗରିମା ।

ଉତ୍କଳର ସୁଯୋଗ୍ୟ ଦାୟାଦ ତୁମେ

ପ୍ରଗତିର ଦେବଦୂତତ

ପ୍ରଗତି ମଶାଲ ଜାଳି

ହଟାଇଲ ଉତ୍କଳର ଅମା ।

ଭାରତ ମାଟିରେ ରହିଛି ସୁନାମ

ରାଜନୀତିରେ ପିତାମହ ଭୀଷ୍ମ

ଇଣ୍ଡୋନେସିଆର ଭୂମି ପୁତ୍ର ତୁମେ

ସୁକର୍ଣ୍ଣଙ୍କ ବିପଦର ବନ୍ଧୁ ।

ଶିଳ୍ପ ସାମ୍ରାଜ୍ୟର ସତେ କି ସମ୍ରାଟ

ଭାରତର ଉଜ୍ଜ୍ୱଳ ତାରକା

ଜୀବନର ସବୁ ଦିଗ ଥିଲା ଆଭାମୟ

ସତେ କିବା ଗଗନର ଇନ୍ଦୁ ।

ଏ ମାଟି ପାଣି ପବନ ଝୁରୁଛି ତୁମକୁ

ଚିରଦିନ ଭୂଲି ପାରିବନି

ସବୁ ଦିନ ଆଶୀର୍ବାଦ କରୁଥାଅ ସ୍ରଷ୍ଟା

ଏ ଜାତିଟା ମଥାଟେକି ରହିଥାଉ ଜୀଇଁ ।

ତୁମେ ଥିଲ ଗରିବର ବନ୍ଧୁ

ଶ୍ରମିକର ବନ୍ଧୁ, ଚାଷୀ ମୂଲିଆର ବନ୍ଧୁ

ସେମାନଙ୍କ ହସ ଥିଲ ତୁମେ, ଖୁସି ଥିଲ ତମେ

ତୁମ ପାଇଁ ସେମାନେ ଏଯାଏଁ ପାରିଛନ୍ତି ଜୀଇଁ ।