ଦି'ଛକିରେ ଜୀବନ
ଦି'ଛକିରେ ଜୀବନ
1 min
378
ବଞ୍ଚିବା ମରିବା ଦି'ଛକି ରାସ୍ତାରେ
ହୋଇଛି ଆଜି ମୁଁ ଠିଆ
ବଞ୍ଚିବା ପାଇଁକି ଇଛା ଥାଇ ସୁଧା
ମରଣ ଡାକୁଛି ଆଆ ।
ବଞ୍ଚିବା ପାଇଁକି ରାହା ମୁଁ ଖୋଜୁଛି
ଚାଖିନି ମରଣ ସ୍ୱାଦ
ହେଲେ ମୁଁ ପଢ଼ିଛି ଜୀବନ ପୃଷ୍ଠାର
କେତେ କାହିଁ ଉପପାଦ୍ୟ ।
ଆଖିର ଲୁହକୁ ଓଠରେ ପିଇଛି
ଚାପିଛି ଛାତିର କୋହ
ଅନେକ ଥର ମୁଁ ମିଛେ ହସିବାର
କରିଅଛି ଅଭିନୟ ।
କେତେଦିନ ଆଉ ଜୀବନ ସାଥିରେ
କରିବି ଛଳନା କେତେ
ଏମିତି ଜୀବନ ଜିଇବା ପାଇଁକି
ମନ କହୁନାହିଁ ମୋତେ ।
ଅସହ୍ୟ ଯନ୍ତ୍ରଣା ଅବ୍ୟକ୍ତ ବେଦନା
ପଥରେ ଚାଲିଲା ପରେ
ଜୀବନର ଏହି ଦି'ଛକି ରାସ୍ତାରେ
ମରଣଟା ହାତ ଠାରେ ।