ରଚୟିତା
ରଚୟିତା
1 min
7.2K
ଦୁଇପଦ ଯେବେ ଆସିଯିବ ମନେ
ପତରେ ନେବୁ ଉତାରି ।
ଶବଦ ମାନେନା ସୀମା ସରହଦ
ନା’ମାନେ ଆକଟ ହୁରି॥
ଥିରି କରି କହେ କାନେ ତୁନି ତୁନି
ଧୀ’ରେ ପଦ ପଦ କଥା।
କେତେବେଳେ ଗଳ୍ପ କେବେ ସେ ନିବନ୍ଧ
କେବେ କାବ୍ୟ ଓ କବିତା॥
ଶବଦ କହଇ ତା’ ମନର ପୀଡ଼ା
କହେ ତା’ ଖେଦ ବାରତା।
କହଇ ସହିଛି, ସହୁଛି ବେଦନା
ଯୁଗଯୁଗର ଏ କଥା॥
ସାହିତ୍ୟ ସଂସାରେ କ’ଣ ଚାଲିଛି
ପାଠକ କୁଳେ ପଚାର।
ଶବଦ ଲୁଚୁଛି ଚୟନ ଡରରେ
କବିକୁ ଲାଗଇ ଡର॥
ମନ ଥିର କରି ଲେଖିବୁ ଦି’ପଦ
ପାଠକ ଜଗିଛି ଭାବେ।
ସେଇ ଦି’ପଦ ଯେ ମନରେ ରହିବ
ସେମନ୍ତେ ସରବ ହୃଦେ॥
-ପ୍ରଭୂ