ବସନ୍ତ ଆସିଛି
ବସନ୍ତ ଆସିଛି
1 min
255
ଥିରି ଥିରି ବହେ ମଳୟ ପବନ
ଫୁଲ ଖେଳିଲେଣି ଦୋଳି
କାକର ମୁକୁତା ଆଖିରେ ପଡୁନି
ଶୀତ ଯାଇଅଛି ଫେରି I
ସଫେଦ ବରଫ ଚାଦରର ତଳୁ
ଦିଶିଲାଣି ମାଟି ଦେହ
ବୀର ସନ୍ତାନକୁ ହରାଇଛି ଦେଶ
ସଭିଙ୍କ ଆଖିରେ ଲୁହ I
ମାଟି ମାଆ ଦେହ ସହିଦ ରକତେ
ଦିଶୁଛି ଲୋହିତ ବର୍ଣ୍ଣ
କ୍ରନ୍ଦନ ରୋଳରେ ବିଦୀର୍ଣ୍ଣ ଭାରତ
ସ୍ତବ୍ଧ ହୋଇଯାଏ କର୍ଣ୍ଣ I
ଶତୃର ରକତେ ହୋଲି ଖେଳିବାକୁ
ସଜବାଜ ବୀର ସେନା
ଆତଙ୍କବାଦର ବିଲୋପ ଘଟିବ
ଉଡିବ ଶାନ୍ତିର ବାନା I
ସବୁ ଭେଦଭାବ ଭୁଲିଛନ୍ତି ସର୍ବେ
ଏକତ୍ର ଭାରତ ବାସୀ
ଶତୃକୁ ନିପାତ କରିଦେବା ପାଇଁକି
ହାତେ ଧରିଲେଣି ଅସୀ I
ବିଜୟ କୁମାର ପୃଷ୍ଟି