Audio

Forum

Read

Contests

Language


Write

Sign in
Wohoo!,
Dear user,
ବୋଉ
ବୋଉ
★★★★★

© Dr. Krushnakumari Tripathy

Inspirational

1 Minutes   7.0K    6


Content Ranking

ବୋଉ

ତୁମେ ମନେପଡ଼

ଖୁବ୍ ମନେପଡ଼,

ଖାଲି ଆଜିର ଦିନରେ ନୁହେଁ...

ସବୁ ଦିନ ସବୁବେଳେ।

ତମେ ଚାଲିଗଲା ପରେ

ଭାବୁଥିଲି ସବୁକିଛି ସରିଗଲା

ବଂଚିବା ନିରର୍ଥକ ଆଉ ଅସମ୍ଭବ 

ତୁମ ବିନା।

କିନ୍ତୁ ଏ ଦୁନିଆ

ବହୁତ ଚାଲାକ

କୌଶଳ ରେ ମୋତେ ପୁଣି ଥରେ ବାନ୍ଧିଦେଲା

ସଂସାରର ଜଞ୍ଜାଳ ଭିତରେ।

ତଥାପି ବି ସବୁ ସମୟରେ ମନେପଡ଼ ତୁମେ।

ମୋ ପୁଅ ଯେବେ ଖେଳରେ ଜିତିଯାଇ 

ବାହାବା ପାଇଁ ଧାଇଁଆସେ,

ବା ଶ୍ରେଣୀରେ ପ୍ରଥମ ହୁଏ

ଆଉ ଅବା କିଛି ଖୁବ୍ ଗୋଟେ 

ଅଲଗା କରିଦେଇ ନିଜ ମୁଣ୍ଡରେ

ଚାହେଁ ମୋର ଆଶିଷ ଭରା ହାତ

ମନେପଡ଼ ...ତମେ ଖୁବ୍ ବେଶି ମନେପଡ଼।

ଜୀବନ ଯୁଦ୍ଧରେ ହାର ଜିତର ଖେଳରେ

ଯେବେ କେବେ ଲାଗେ ହାରିଗଲି,

ଆଉ ପୁଣି

କେବେ କେବେ ଜିତିବାର ଛୋଟ ଖୁସିରେ

ପୁଣି କେବେ ଅସହାୟ ବୋଧତାରେ

ଯେତେବେଳେ ଲୁହ ଧାର

ଝରି ଆସେ ଏକାନ୍ତରେ

ମନେପଡ ,ତୁମେ ଖୁବ୍ ମନେପଡ଼।

ଏସବୁ ତ ଛୋଟ ଛୋଟ ମୁହୂର୍ତ୍ତର କଥା,

ହେଲେ ଆଜି ବସି ଯେବେ ଚିନ୍ତାକରେ

ଭାବୁଛି,

ମୁଁ ତମକୁ ଭୁଲିଛି କେବେ ଯେ 

ଆଜି ମନେ ପକାଉଛି.......

@ଡକ୍ଟର କୃଷ୍ଣା କୁମାରୀ ତ୍ରିପାଠୀ

ତୁମେ ମନେପଡ଼ ଆଶିଷ

Rate the content


Originality
Flow
Language
Cover design

Comments

Post


Some text some message..