ବେସୁରା ଗୀତି-୭୫୭
ବେସୁରା ଗୀତି-୭୫୭
1 min
6.7K
ଆସୁଥିଲୁ କାହିଁକି କେଜାଣି
ସାରା ଆକାଶରେ ଥିଲା
କଳା କଳା ବାଦଲଙ୍କ ପଟୁଆର
ଟୋପାଏ ତ ଝରିଲାନି ପାଣି ॥
ଘଡଘଡି ନାଦ କରି ତୁ ତ ଆସିଲୁ
ବିଜୁଳିର ଚମକ ରେ ସ୍ମିତହାସ୍ୟ ଦେଲୁ
ଘନ ଘର୍ଘର ନାଦରେ ବାର୍ଷିଗଲୁ କହିଲେ ସରବେ
ମୁଁ ଜାଣିନି କିଆଁ ମୋତେ ମୁହଁ ଲୁଚାଦେଲୁ ॥
ତୁ ଭାରି ଅମାନିଆଁ ଏକଥା ଜାଣିଛି
ତୋ ଆଖିରେ କେତେ ବାର
ବିଜୁଳିର ଚମକ ଦେଖିଛି
ଲୁହଭରା ଆଖିତୋର ଦେଖିଛି ଅନେକ
ତୋ କାନ୍ଦର ଲହରରେ ଭୁଲିଛି ମୁଁ ଭୋକ ॥
ପ୍ରତିକ୍ଷା କରିଛି ବର୍ଷା ପାଇବାକୁ
ତୋର ପ୍ରୀତି ଛୁଆଁ
ଲିଭାଇବାକୁ ତ ହେବ ଛାତିତଳେ
ଜଳୁଥିବା ନିଆଁ
ତୋ ପ୍ରୀତି ପରଶ ଛଡା ଅନ୍ୟ ଗତି ନାହିଁ
ସେଥିପାଇଁ ରାତିଦିନ ଆକାଶକୁ
ରହିଛି ମୁଁ ଚାହିଁ ॥