ଶୂନ୍ୟପଥେ
ଶୂନ୍ୟପଥେ
1 min
285
ଶୂନ୍ୟତାର ପଥେ ମୁଁ କ୍ଳାନ୍ତ ପଥିକ
ନିରବରେ ଚାଲୁଛି ଏକା
ଚାଲିବାକୁ ହେବ ସୀମାହୀନ ପଥ
ମନେ ଆସେ ବୃଥା ଆଶଙ୍କା ।
ନିର୍ଜନତା ଭରା ଦୁଃସହ ଜୀବନ
ନିର୍ଜନ ଏ ସୀମା ସରହଦ
ଗୁଞ୍ଜରିତ ହୁଏ ମୃଗତୃଷ୍ଣା ସମ
ଅଜ୍ଞାତ ମୃଦୁ ପାଦ ଶବ୍ଦ ।
ଅଜଣା ଶବ୍ଦରେ ହୁଏ ଉଦଜୀବିତ
ମନେ ଭରେ ଆଶା ଆଲୋକ
ନିରାଶାର ଭାବ ଅପସରି ଯାଏ
ହୃଦେ ଖେଳିଯାଏ ମହକ ।
ଦିବ୍ୟ ଅଲୌକିକ ପାଦ ଶବ୍ଦ ଶୁଣି
ଖୋଜୁଥାଏ ହୃଦ ଦେବତା
ଚିରନ୍ତନ ସତ୍ୟ ଅମୃତ ସନ୍ତାନ
ପୂର୍ଣ୍ଣ ହୋଇଯାଏ ଶୂନ୍ୟତା ।