ନୁହେଁ କଳନା କରି
ନୁହେଁ କଳନା କରି
1 min
7.7K
ହୁଙ୍କାରରେ ଯା' ସାରା ବ୍ରହ୍ମାଣ୍ଡ
ସହଜେ ଯାଏ ଥରି ,
ଅମାପ ତାଙ୍କ ଶକତି ଆହା
ନୁହେଁ କଳନା କରି ।
ବୀରଗଣଙ୍କ ମଉଡ଼ମଣି
ବଜର ତାଙ୍କ ତନୁ ,
ସ୍ମରିଲେ ନାମ ଭୟ-ଆଶଙ୍କା
ଉଭେଇ ଯାଏ ମନୁ।
ବିଘ୍ନ ଯେତେକ ହୁଅଇ ନାଶ
ସାହସ ଯାଏ ବଢି ,
ଦୁଃଖ-ଦଇନ ସାଥିରେ ଆମେ
ସହଜେ ପାରୁ ଲଢ଼ି।
ଅଳପେ ସିଏ ସନ୍ତୋଷ ହୋଇ
କୃପା କରନ୍ତି ଯାଚି ,
ରାମ ନାମଟି ଗାଇଲେ ତାଙ୍କ
ହୃଦୟ ଉଠେ ନାଚି ।
ଅମର ମଧ୍ୟେ ଅମର ସିଏ
ନ ଜାଣେ ତାଙ୍କୁ କିଏ ,
ଜ୍ଞାନ-ଗୁଣର ସାଗର ପରା
ହନୁମାନଟି ସିଏ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।