ଆଶା ଓ ଭାବନା
ଆଶା ଓ ଭାବନା
ଆଶା ଓ ଭାବନା
**************
ବେସୁରା ଏ ଜୀବନରେ ଅସରାଏ ବରଷା ।
ଝରିପଡେ ଠୋପାଠୋପା ହୋଇ ଭିଜେନାହିଁ ଦେହଟା ।।
ଖରାରେ ପଡେ ଝାଉଁଳି ଶିତରେ ଯାଏ ଶିତେଇ ।
ଅମାନିଆ ନଦୀ ପରି ବହି ଯାଏ ଗମ୍ଗମ୍ ଝାଳର ଝରଣା ।।
ମନରେ ଅସୁମାରି ଆଶା ଆଉ ରଙ୍ଗିନ୍ ସ୍ଵପ୍ନର ଲାଳସା ।
ହେଲେ ଶୋଷ ମେଣ୍ଟେନାହିଁ କି ଭୋକ ମରେନାହିଁ ।।
ମନରେ ଅଭାବ ହେଲେ ହୃଦୟରେ ହୋଇଯାଏ ତୃଷ୍ଣା ।
ପାଇବାର ଆବେଗରେ ଧନ୍ଦି ହୋଇ ପାଏ ଖାଲି ଅପମାନ ଓ ଲାଞ୍ଛନା ।।
ମାନ ଯେତେ କଲେବି ବୁଝିବାକୁ କେହି ନଥାନ୍ତି ।
ସହିସହି ନିନ୍ଦେ ନିଜର ଭାଗ୍ୟ ଓ ଭାବନା ।।
ଅସୁମାରି ଆଶା ଆଉ ରଙ୍ଗିନ ସ୍ଵପ୍ନର ଅନ୍ତ ଘଟେ ।
ରହିଯାଏ ମନରେ ଅବଶୋଷ ଆଉ ହୃଦୟରେ ଅସହ୍ୟ ବେଦନା ।।
ସୁଶିଲ୍ ପାଣି , ପୁରୀ