ତୁମ ପ୍ରେମ

ମୁଁ ଜାଣେ ଏଇ ଜନ୍ମରେ

ତୁମେ ମୋର ନୁହଁ କି ତୁମ ପ୍ରେମ ।

ହେଲେ ଏ ହୃଦୟ କଣ ବୁଝେ

ସେଇ କଥା ସବୁ

ସେ ତ ଖାଲି ତୁମକୁ ଚାହେଁ

ତୁମେ ଯେତେ ଆଡେଇ ଚାଲି ଗଲେ

ସେତେ ସେତେ କଣେଇ ଦେଖୁଥାଏ ।

ତୁମ ପ୍ରେମର

ବିନ୍ଦୁଏ ପ୍ରେମ ବର୍ଷା ପାଇଁ

ସେ ବିକଳ ହୁଏ

ବେଲଗାମ ଧାଇଁ ଚାଲେ

ତୁମ ପ୍ରେମ ମରୀଚିକାରେ

ମରୁଭୂମିର ପଥଭ୍ରଷ୍ଟ ପଥିକଟେ ପରି

ତୁମକୁ ପାଇବାର ମୃଗତୃଷ୍ଣାରେ ।

ହେଲେ ତୁମେ ଉଭେଇ ଯାଅ

କୋଉ ଏକ ଦୂର ଦିଗନ୍ତକୁ

ଆଉ ମୁଁ

ଦଉଡି ଚାଲେ ଭିଜିବାବାକୁ

ତୁମ ପ୍ରେମ ନ ହେଲେ ନାଇଁ

ଘୃଣା ଆଉ ପ୍ରତାରଣାର ଅସରାଏ ବର୍ଷାରେ ।