ସ୍ୱର ତତ୍ୱ
ସ୍ୱର ତତ୍ୱ
ସୁମନ ମନ ଦେଇ ତୁ ଶୁଣ ,
ବୁଝାଇ କହୁଛି ତତ୍ୱ ଜ୍ଞାନ ।
ସ୍ୱର ତତ୍ୱ ଜ୍ଞାନ ଯାକୁ କହି ,
ଶରୀର ମଧ୍ୟରେ ଚଳୁ ଥାଇ ।
ବାମରେ ପୁଣି ଦକ୍ଷିଣେ ହୋଇ ,
ଯିବା ଆସିବା ଯେ କରୁଥାଇ ।
ସୂର୍ଯ୍ୟ ଘରେ ଯେବେ ପଶୁଥାଏ
ଚନ୍ଦ୍ର ଘରୁ ସେ, ବାହାର ହୁଏ ।
ଏକୋଇଶ ସଶ୍ର ଛଶ ଥର ,
ଷାଠିଏ ଦଣ୍ଡେ ଚଳେ ଅହରହ ।
ସୂର୍ଯ୍ୟେ ଚଳିଲେ ଉତ୍ତାପ ଦିଏ ,
ଚନ୍ଦ୍ରରେ ଶୀତଳ ସେ ବର୍ଷୁ ଥାଏ ।
ଶୁଭ କର୍ମ ମାନ ଯେବେ କରିବ ,
ଚନ୍ଦ୍ର ଘରେ ସ୍ୱର ଚଳାଉଥିବ ।
ସୂର୍ଯ୍ୟ ଘରେ ସ୍ୱର ଯେବେ ଚଳିବ
କ୍ଷୀଣ କର୍ମ ମାନ ତେବେ କରିବ ।
ଭୋଜନ, ମୈଥୁନ ,ସୂର୍ଯ୍ୟରେ କର ,
ମନନ ,ପୂଜନ ,ଚନ୍ଦ୍ରରେ ଧର ।
ସୁସମ୍ନା ନାଢ଼ି କୁ ପ୍ରେମିକ କହି ,
ମଧ୍ୟ ଭାଗରେ ଯେ, ସେ ଚଳୁଥାଇ ।
ସେହି ସମୟେ ଯେ ନିଷ୍ପତ୍ତି ନେବ ,
ଅବଶ୍ୟ ଫଳିବ ନେଶ୍ଚେ ଜାଣିବ ।
ଜଗିଥିଲେ ପ୍ରେମେ ପ୍ରେମିକ ହୋଇ ,
ସୂର୍ଯ୍ୟ, ଚନ୍ଦ୍ର ତାକୁ ଶାହା ହୁଅଇ ।