ଜୀବନ ସାର୍ଥକ ହେବ
ଜୀବନ ସାର୍ଥକ ହେବ
ଯେଉଁ ସମୟରେ ପାଠ ପଢ଼ୁଥିଲି
ସାଙ୍ଗ ସାଥି ସଙ୍ଗେ ଖେଲୁଥିଲି
ଚିନ୍ତାଶୂନ୍ୟ ଓ ଦାଇତ୍ୱବିନା
ଖେଳି ବୁଲି ଖୁସି ହେଉଥିଲି ।
ବାପା ମା ମୋତେ ବାହାକରିଦେଇ
ନିଜର ଦାଇତ୍ୱ ସାରିଦେଲେ
ବୋଝ ବୋଲି ଭାବି କନ୍ୟାଦାନ କରି
ସଂସାର ମାୟାରେ ଛନ୍ଦିଦେଲେ ।
ଦୁନିଆଟା କଣ ଜାଣିବା ପୂର୍ବରୁ
ମାଆ ର ଦାଇତ୍ୱ ପାଇଗଲି
ଚାରୋଟି ସନ୍ତାନ ମାଆ ହୋଇ ମୁଁ ଯେ
ବଞ୍ଚିଲି ହୋଇ କିଲିବିଲି ।
ସଂସାର ମୋର କେମିତି ଚାଲିବ
ସେଇ ଚିନ୍ତାରେ ମୁଁ ପଡ଼ିଗଲି
କେମିତି ମୁଠାଟେ ମୋ ପିଲା ଖାଇବେ
ଚିନ୍ତା କରି କରି ଝଡ଼ିଗଲି ।
ମଦୁଆ ସ୍ୱମୀଟା କିଛି ବୁଝୁନାହିଁ
ସଂସାର କେମିତି ଚାଲିବ
ଶାଶୂ ଶଶୁର ବା କଣ କରିବେ
ସେମାନେ ନିହାତି ଗରିବ ।
ଜଗତର ନାଥ ଆହେ ଜଗନ୍ନାଥ
ମୋ ପ୍ରତି ଦୟାକରିବ
ମୋତେ ପଛେ ତୁମେ ମାରିନେଇଜାଅ
ମୋ ସନ୍ତାନକୁ ବଞ୍ଚେଇ ରଖିବ ।
ଏଇ ଦୁନିଆର ବାପା ମାଆ ମାନଙ୍କୁ
ଏତିକି ମୁଁ ଅଳି କରୁଛି
କମ ବୟସରେ ଝିଅ ବାହାକର ନାହିଁ
ତୁମ ଗୋଡ଼ ହାତ ଧରୁଛି ।
ପାଠ ପଢେଇ ଶିକ୍ଷିତ କରିଲେ
ଝିଅ ସୁଖରେ ରହିବ
ଝିଅ ତୁମର ସୁଖରେ ରହିଲେ
ତୁମ ଜୀବନ ସାର୍ଥକ ହୋଇବ ।