କର୍ତ୍ତବ୍ୟନିଷ୍ଠ କଲମ
କର୍ତ୍ତବ୍ୟନିଷ୍ଠ କଲମ
ରଚନା : ଶ୍ରୀ ରାଜଶେଖର ସି 'ଚିମା'
କର୍ତ୍ତବ୍ୟନିଷ୍ଠ କଲମଙ୍କୁ ସାଦର ପ୍ରଣାମ,
ଅବିରାମ ସାହାଯ୍ୟ କରି କବି ଲେଖକ ପତ୍ରକାରଙ୍କୁ ସର୍ବଦା ଦିଅନ୍ତି ସୁନିଶ୍ଚିତ ପରିଣାମ |
ସାହାଭରସା ଯିଏ ପ୍ରତି ବିଦ୍ୟାର୍ଥୀ ର ନିତିଦିନ,
ଲେଖନୀ ଦ୍ୱାରା ଛାତ୍ର ଛାତ୍ରୀଙ୍କର ଶୋଧନ କରନ୍ତି ଗୁରୁଜନ |
ଏହି ମାଧ୍ୟମ ରୁ ପ୍ରାପ୍ତି ହେଲା ମହାଭାରତ ରାମାୟଣ,
ଲେଖନୀ ଯୋଗୁଁ ଚିରକାଳ ରହିଲେ ବେଦଶାସ୍ତ୍ର ଭାଗବତ ପୁରାଣ |
ଲେଖି ପାରୁଚୁ ଭିନ୍ନ ବିଭିନ୍ନ ଭାଷାଙ୍କର ଅଭିନ୍ନ ଲିପି,
ଯାହା ବିନା ସମସ୍ତ ମନୋଭାବାନାଙ୍କୁ ଛପା ହେବନି କଦାପି |
ଯିଏ ପ୍ରିୟତମ ପ୍ରିୟତମାଙ୍କ ପ୍ରେମପତ୍ର ର ପ୍ରୀତିକର ମିତ୍ର,
ଅନର୍ଗଳ ଅଭିବ୍ୟକ୍ତ ଅନୁରାଗ କୁ ଅନୁଭବ କରିବାର ପାଇଛି ପ୍ରଧାନପାତ୍ର |
କଲମ ରୁ କବି ଦେଇ ପାରନ୍ତି ନିଜ କଳମନାମ,
ବର୍ଷ ବର୍ଷ ପରେ ବିଦ୍ୟମାନ ରୁହେ ତାଙ୍କର ଏହି ନାମ |
କଲମ ବିନା ଅଚଳ ହେବ ରାଜନୀତି ପ୍ରଜାତନ୍ତ୍ର ପ୍ରଶାସନ,
ଲେଖନୀ ର ଅଲୌକିକ ସୃଜନଶକ୍ତିରୁ ମହାମନ୍ତ୍ରୀ ମହାରାଜ କରନ୍ତି ସୁଶାସନ |
ଯେଉଁଠି ପହଞ୍ଚି ପାରେନି ରବି,
କଲମ ଦ୍ୱାରା କାଳ୍ପନିକ ସ୍ଥାନକୁ ପହଞ୍ଚେ କବି |
ରାଜାଧିରାଜ ଶ୍ରୀ ଜଗନ୍ନାଥଙ୍କ ଶ୍ରୀମନ୍ଦିର ରେ ଲେଖିଲେ କରଣ ମାନେ ମାଦଳା ପାଞ୍ଜି,
ଓଜସ୍ବୀ ଓଡ଼ିଆ ର ଶାସ୍ତ୍ରୀୟ ମାନ୍ୟତା ହେତୁ ଯେ ଅମୁଲ୍ୟ ପୁଞ୍ଜି |
କଲମ ଦ୍ୱାରା ସଂଯୋଡ଼ି ହୁଏ ଭୁତ ଭବିଷ୍ୟତ ବର୍ତ୍ତମାନ,
ସମସ୍ତ ପୀଢ଼ୀଙ୍କ ଜ୍ଞାନ ବିଜ୍ଞାନ ପାଇଁ ଯାହା ମାଁ ବାଗ୍ଦେବୀଙ୍କ ବରଦାନ |