Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Shanti Mishra

Others Romance

3  

Shanti Mishra

Others Romance

ସରି ସରି ଯାଏ ସମୟ

ସରି ସରି ଯାଏ ସମୟ

1 min
7.0K


କହିବାକୁ ଅଛି ଅନେକ କଥା , ଶୁଣିବ କି ନାହିଁ ତୁମେ କୁହନା ।

ବୁଝେଇବାକୁ ଶବ୍ଦ ଖୋଜି ବୁଲେ, ବୁଝିବ କି ନାହିଁ ମୁଁ ତ ଜାଣେନା ।।

ଅପେକ୍ଷାରେ ସରି ସରି ଯାଉଅଛି, ମନର ମୋର ସବୁ ସରାଗ ।

ଥରେ ଚାଲିଗଲେ, ସମୟ ହାତରୁ, ଫେରିବନି ସେ କେବେ ଜାଣତ ।।


କହିଦେଲେ ତୁମେ !, ପକ୍ଷୀ ଟିଏ, ହୋଇ ଯିବାକୁ, ମୋର ଆପତ୍ତି ନାହିଁ ।

ଯଦି ରଖି ପଂଜୁରିରେ, ନିଜ ହାତେ ଦିଅନ୍ତ, ନିତି ଦାନା ଖୁଆଇ ।।

ସୁଖ ଦୁଃଖ, ହସ ଖୁସି ନିତି ବାଣ୍ଟନ୍ତ ,ମୋର ପାଖରେ ଆସି ବସି ।

ପୋଷା ମାନି ଯାଇ ଅଚିରେ, ଥଣ୍ଟେ ଖୁମ୍ପି ହାତ ତୁମ ଯାଆନ୍ତି ଚୁମି ।।


କହିଦେଲେ ତୁମେ !, ନଈ ହୋଇ, ବହି ଯାଆନ୍ତି ତୁମ ଗାଁଆ ପାଖରେ ।

ଆସନ୍ତ ନିତି ଗାଧୋଇ, ଏକୁଟିଆ ନିଛାଟିଆ, ଖରା ବେଳଟାରେ ।।

ପରଶେ ତୁମ ଶିହରି ଉଠନ୍ତି, ଢେଉ ପରେ କେତେ, ଢେଉ ଖେଳାଇ ।

ପହଂରି ଯାଆନ୍ତ ଏ କୁଳୁ ସେ କୁଳ, ବାହୁରେ ତୁମ ମତେ ଜଡାଇ ।।


କହିଦେଲେ ତୁମେ !, ହୋଇ ଯାଆନ୍ତି, ନୀଲ ଆକାଶର ପୁନେଇଁ ଜହ୍ନ ।

ଛାତ ପରେ ବସି ଦେଖନ୍ତ, ଅସ୍ତ ହେବାକୁ ମୋର, ନାହିଁ ହୁଅନ୍ତା ମନ ।।

ଗାଉଥାନ୍ତ ଗୀତ ଗୁଣୁ ଗୁଣୁ ହୋଇ, କିଛି ତ ମିଠା ମିଠା ସ୍ଵରରେ ।

ବାଦଲ ଉହାଡୁ ଦେଖୁଥାନ୍ତି ଲୁଚି, ମିଶୁ ଥାନ୍ତା ଆଖି ତୁମ ଆଖିରେ ।।


କହିଦେଲେ ତୁମେ !, ବଗିଚାରେ ତୁମ, ଫୁଟନ୍ତି ହୋଇ ଗୋଲପ ଫୁଲ ।

ପାଣି ଦେବା ବାହାନାରେ, ଆସି ଛୁଇଁ ଯାଉଥାନ୍ତ, ମତେ ଥରକୁ ଥର ।।

ଖୋସାରେ ଖୋସି, ଦର୍ପଣ ଆଗରେ ଦେଖନ୍ତ, ନିଜକୁ ହୋଇ ବିଭୋର ।

ମିଳନର ସେଇ ମୁହୁର୍ତ୍ତ, ରହି ଯାଆନ୍ତା, ସେଇଠି ହୋଇ ସ୍ଥବିର ।।


ଶାନ୍ତିଲତା ମିଶ୍ର, ରଚେଷ୍ଟର, ମିନେସୋଟା


Rate this content
Log in