କାରଗିଲ ବିଜୟ ଦିବସ
କାରଗିଲ ବିଜୟ ଦିବସ
ସିଂହ ଶାବକ କ୍ରୀଡନକ କରେ ଯେ ଦେଶ ଶିଶୁ ଭରତ
ବିଶ୍ଵେ ଉଡଇ ଜୈତ୍ର କେତନ ସେ ଦେଶ ନାମ ଭାରତ ।
ସୂର୍ଯ୍ୟବଂଶୀ ରାମ ଚନ୍ଦ୍ରବଂଶୀ ଭୀଷ୍ମ କର୍ଣ ପୁଣି ଅରଜୁନ
ହର୍ଷ ବିକ୍ରମ ଅଶୋକ ଶିବାଜୀ ପୃଥ୍ୱୀରାଜ ଚଉହାନ ।
ପଂଚଶୀଳ ନୀତି ଶାନ୍ତିପ୍ରିୟ ବିଶ୍ଵେ ବୃହତ୍ତମ ଗଣତନ୍ତ୍ର
ପଡୋଶୀ ସିଜିଛି ଆଜନ୍ମ ବଇରୀ ଆତଙ୍କବାଦୀ ସର୍କାର ।
ତସ୍କରଙ୍କ ପରି ବଂକର କରି ପାହାଡ ଉପର ପଟୁ
ମାଡି ଆସିଲେ ସେ ଦଖଲ କରିବେ କାର୍ଗିଲ ଘାଟିଟାକୁ ।
ସିଂହ ସଂଗରେ ଶୃଗାଳ ଶାବକ ଲଢି ଜିତିଛି କି ଯୁଦ୍ଧ !
ଲୁଚିଛପି ତମେ ପଶି କରିଥାନ୍ତ ପଛପଟୁ କୃଶବିଦ୍ଧ ।
ବିଯୁକ୍ତ ତାପରେ ଘନ ଅନ୍ଧକାରେ ବୋଫର୍ସ କମାଣ କାନ୍ଧେ
ଶତୃ ଉପରେ ସହଜ ସ୍ଥିତିରେ ବଂକରରୁ ଗୁଳି ବିନ୍ଧେ ।
ଷାଠିଏ ଦିନର ତ୍ୟାଗ ସୈନିକର ଯାଇଥାଆନ୍ତା କି ବ୍ୟର୍ଥ !
ଆତ୍ମବଳି ଦେଇ ଯବାନ ଆମର ପୂର୍ଣକଲେ ମନୋରଥ ।
ଧ୍ୱଂସ କରିଲେ ପାକ୍ ବଂକରକୁ ଗୋଟିକ ପରେ ଆରେକ
ଗୋଡାଇ ମାରିଲେ ଜବାନ ଆମର ପଳାଇଲେ ଶତୃ ସୈନିକ ।
ପୋଖରାନ ଅଣୁ ପରୀକ୍ଷା ନାୟକ ଅଟଳ ବିହାରୀ ଆମ
'ଧୈର୍ୟ୍ଯ ଧରିଲେ କିବା ଅସମ୍ଭବ' ପ୍ରମାଣିତ କଲେ କାମ ।
ମୂଷା ପରି ମୁଶାରଫ ପଳାଇଲା ନାଗ ସାପ ଭାରତୀୟ
ଜୟ ଜବାନ୍ ଜୟ କିଶାନ୍ ଆମର ଦେଶେ ଦିଅ ବରାଭୟ ।
ଅନେଶତ ଛବିଶ୍ ଜୁଲାଇଟି ପାଳୁ ବିଜୟ ଦିବସ ଆମେ
ମନେ ରଖ ଶତୃ ଅପଚେଷ୍ଟା କଲେ ଦେଖାଇବୁ ଆମେ କାମେ ।