ସ୍ୱପ୍ନ
ସ୍ୱପ୍ନ
ସ୍ଵପ୍ନ ହଜିଗଲା ସ୍ୱପ୍ନ ଦୁନିଆଁରେ
ଆଖି ଭିଜି ଗଲା ଲୁହେ ;
ପ୍ରିୟା ହଜିଗଲା ପ୍ରେମ ରାଇଜରେ
ଅକୁହା କଥା ମୁଁ କୁହେ !!
ପ୍ରେମ ହଜିଗଲା ବିରହ କୋପରେ
ହଉଛି ମୁଁ ଖାଲି ଝୁରି ;
ଏ ବିରହ ପ୍ରକୋପ ହୃଦୟର କୋହ
ଆ "ପ୍ରିୟା ମୋର ଫେରି !!
ପ୍ରେମ ଭାବ ଆଉ ନାହିଁ ମୋ ମନରେ
କରିବାକୁ ନୂଆ ପ୍ରେମ ;
ମୋ ହୃଦୟ ଭିତରେ ରହିଛୁ ସତରେ
ମୋ ମନରେ ନାହିଁ ଭ୍ରମ !!
ସପନ ନିଦରେ ତୁ ଆସୁ ଧୀରେ
ଶୋଇବା ଶେଯ କୁ ମୋର ;
ରାତି ଉଜାଗରେ ପ୍ରେମ ପରଶରେ
ଢାଳି ଯାଉ ପ୍ରେମ ନୀର !!
ନିବିଡ଼ ସମ୍ପର୍କ ଏ ଭାବ ବନ୍ଧନ
କେମିତି ଭୁଲିଲୁ ପ୍ରିୟା ;
ତୁ ପରା ମୋର ପ୍ରେମ ଉପହାର
ମୋ ହୃଦୟେ ଲାଗିଛି ନିଆଁ !!
ଏ ପ୍ରେମର କହାଣୀ ଲିଭି ତ ଯିବନି
ବଞ୍ଚିଥିବା ଯାଏ ମୁଁ ହିଁ ;
କହ ସୁନାଗୋରୀ ଆସିବୁ କି ଫେରି
ତୋ'ପ୍ରେମକୁ ଦେବିନି ଦ୍ୱାହି !!
ସଦାନନ୍ଦ ସାହୁ ; ଧୁରୁଷୀଆ ; କଟକ